Taian Areru 113:1 - Te B'aib'ara

¹ Kam na neboa te UEA! Ngkami akana ana toro te UEA, kam na neboa arana!

Taian Areru 113:1 ပူးပေါင်းရင်းမြစ်များ

Taian Areru 112:1

Kam na takaruaea neboan te UEA! E kakab'aia aomata ni kabane te UEA, akana taromauriia ao ni kukurei n ongeaba nakon ana tua.

Taian Areru 134:1

Nako mai, neboa te UEA, ngkami ni kabane akana ana toro te UEA, akana ami tei n tataro n te bong n te Um'antabunrianna.

Taian Areru 135:20

Ngkami te bootaki n aomata ae Rewi, kam na neboa te UEA; Kam na neboia, ngkami akana taan taromauriia ni kabane!

Taian Areru 145:10

Te UEA, a na bane n neboiko am kariki-b'ai, ao a na bane am aomata ni katituaraoiko.

Taian Areru 34:22

E na kamaiuia ana Aomata te UEA, Ao a na aki kabuakakaaki akana kamanoia i rouna.

Taian Areru 69:36

A na abanna naba aia kariki akana toro i rouna, Ao a na maeka iai akana tangira te UEA.

Te Kaotioti 19:5

Ao e nako te b'anaa man te kaintokanuea, ae kaangai, “Kam na karaoiroa Atuara, ngkami aika ana toro ni kabaneingkami, ma ngkami aika kam makua, aika kam mangori ma aika kam kakannato.”