Taian Areru 112:5 - Te B'aib'ara

⁵ E a kab'aia te aomata ae tituaraoi ae kariaia aomata b'a a na tangoi ana b'ai, ao e aki b'aina te babakanikawai.

Taian Areru 112:5 ပူးပေါင်းရင်းမြစ်များ

Neemia 4:13

ao I kanakoia aomata b'a a na teiakina te oo n taabo ake a rangi n rinano ao ake iai naba iai taiani b'angab'anga. I kamenakiia ni kaineti ma aia utu nako, ao a tei ma taiani kabaang ao kainiwai ao kainikatebe ao kanoa ni katebe.

Taian Areru 37:21

E tatangob'ai te aomata ae buakaka, ao e aki kakaoki; ma e tituaraoi te aomata ae e raoiroi, ao akea tokin ana angaanga.

Taeka n Rabakau 12:2

E tangiriia aomata nako te UEA akana a maiuakina te raoiroi, ma e katuaaia aomata nako akana a karaoi taiani babaaire aika a buakaka.

Taeka n Rabakau 17:18

Bon te waaki ni bangab'ai te anga am b'ai i bukin kariaiakan ana roun temanna.

Taeka n Rabakau 18:9

Bon akea okoron te taningaroti ma karaoan te kakiriwe.

Taeka n Rabakau 2:20

Katotoongia aomata aika a raoiroi ao maiuakina te maiu ae e raoiroi

Taeka n Rabakau 24:27

Katauraoi moa am tawaana ao uniki arokam i m'aain katean mwengam.

Ruka 23:50

Iai temanna te aomata ae arana Ioteb'a, ae kaain te kawa n Iutaia ae Arimataia. Kaain te Tanirim ngaia, ao te aomata ae raoiroi ao e b'ab'aina te eti ni maiuna,

Ruka 6:35

Ma kam na tangiriia ami kairiribai, ao karaoa ae raoiroi nako ia, ao aanga n aki manga kaantaninga booni mwiina b'a e na okiringkami; ane e na bati te kab'aia ane na reke i roumi iai, ao ane kam na riki b'a natin Teuare Moan te Rietaata; b'a E akoi te Atua nakoia akana bangaomata ao akana iangoia i bon i rouia.

Ioane 6:12

Ngke a ngae, ao E taku Iesu nakoia ana reirei, “Ikoti nikiran am'arake, b'a akea teutana ae na bakataeaki.”

M'akuri 11:24

B'a te aomata ae e raoiroi B'arenaba, ao e on n te Tamnei are Raoiroi, ao bon te tia onimaki ni koaua. Ao a bati aomata ake a tib'a onimakina te UEA.

I-Rom 12:11

A na aki b'ara nanomi man te baere kam uaiakinna; kamatoai angin nanomi; tooro iroun te UEA.

I-Rom 5:7

B'a e kangaanga ae e na mate temanna i bukin te aomata ae kakaonimaki n ira nanon te tua; ma tao e a kona ni mate i bukin te aomata ae e raoiroi.

I-Ebeto 5:15

Ma ngaia ae kam na taratarai aromi ni maiumi: kam na aki maiu n ai aroia akana aki ataib'ai, ma kam na maiu n ai aroia akana ataib'ai.

I-Biribi 1:9

Ao bon aei au tataro b'a e na ririki rake ni kabatiaki ami tangira, n te aro n rabakau ma n atatai.

I-Korote 4:5

Kam na nakonako ma te wanawana i mataia akana tuai n onimaki, ni kamanenai raoi ami tai.