Taian Areru 111:8 - Te B'aib'ara

⁸ A teimatoa n aki tootoki; a karaoaki n te koaua ma te eti.

Taian Areru 111:8 ပူးပေါင်းရင်းမြစ်များ

Taian Areru 119:89

Te UEA, e na teimatoa koauan am Taeka n aki toki; e na teimatoa n aki toki i karawa.

Taian Areru 19:9

Te b'ai ae e raoiroi karinean te UEA: E na kakaraoaki n aki toki. A eti ana Moti te Atua; a aki nanonano.

Itaia 40:8

A mauna nako uee ma uteute, ma a na bon aki konaa ni bitaki b'aai aika e a tia n taekin.

Mataio 5:18

B'a e koaua ae I a tuangngkami, b'a ngkai e tuai ni mauna karawa ma aonnaba, ao e na bon aki mauna manin taekan te Tua ae te kabanea n uarereke, ke aron taekana ae te kabanea ni kimototo, i m'ain rikini b'aai nako ake a taekinaki n te Tua b'a a na riki.

I-Rom 3:31

Ti urua ngkanne iai te Tua n te onimaki? Ti aki; ma ti kateimatoa te Tua.

I-Rom 7:12

Ma ngaia ae e tabu te Tua, ao e tabu naba ana taeka te Atua are iai, ao e eti ma n raoiroi.

Te Kaotioti 15:3

Ao a anenea ana anene Mote are ana toro te Atua, ma ana anene te Tiibuteteei, ao a kaangai, “Te Uea ae te Atua, ae Moan te M'aaka, A kakannato am m'akuri ao a kamimii! A eti ma ni koaua arom, Ngkoe ae aia Uea botannaomata!