Taian Areru 111:2 - Te B'aib'ara

² Ai kamimiira baika E karaoi te UEA! Ane kukurei nanona ni baika E karaoi te Atua A na boni kawakin iai nanoia.

Taian Areru 111:2 ပူးပေါင်းရင်းမြစ်များ

Iobi 37:14

Kainab'aabu teutana Iobi, ao kakauongo; iangoi b'aai aika kamimii aika E karaoi te Atua.

Iobi 37:7

E katoki aia m'akuri aomata b'a aonga ni bane ni motirawa man te m'akuri; ao ni kaotia nako ira b'a tera ae kona ni karaoia.

Iobi 5:9

Ti aki kona n atai b'aai aika ab'ab'aki aika E karaoi, ao bon akea tokin m'aitin Ana m'akuri aika kamimii.

Iobi 9:10

Ti aki kona n atai baika ab'ab'aki aika E a tia ni karaoi, ao akea tokin Ana m'akuri aika kamimii.

Taian Areru 104:24

Te UEA, ai batiraa am M'akuri! Ko a rabakau ra ni karaoi! A on aonnaba ni baika iai te maiu iai.

Taian Areru 104:34

E bia kukurei n au iango, ngkai kukureiu boni mai Rouna.

Taian Areru 107:43

Ao akana wanawana, ke a iaiangoi baikai; Ke a kareke aia iango n ana ataataiaomata te UEA.

Taian Areru 118:15

Man aia kaemb'a ni maeka ana aomata te Atua ao e roko te takakaa n tokanikai ni kaotia b'a E reke aei iroun te UEA ni m'akana ae korakora!

Taian Areru 139:14

I katituaraoiko, b'a e kakamaaku ma ni kamimii karaoau iroum; A kamimii baika Ko karaoi, ao I ataia raoi.

Taian Areru 143:5

I uringi boong aika nako; I iaiangoi am m'akuri ma b'aai ni kabane ake Ko karaoi, ao i kaaki n au iango am m'akuri ni kabane.

Taeka n Rabakau 17:16

E aera ngkai e na iai aia m'ane nanobaba i bukin aia reirei ngkai a rawa n reirei?

Taeka n Rabakau 24:14

Bon ti te bo te wanawana ma ana karewe te manibeeru i bukin maiumi e na raneanea am bong aika a na roko ngkana ko kunea.

Te Minita 3:11

E kariki b'aai te Atua n taia aika a riai. Ma bon akea temanna mairoura ae e ataa raoi te b'ai ae E a tia ni karaoia, ao E katikui inanora taian titiraki i bukin boong aika a tia n nako, ao boong aika a na roko.

Itaia 40:12

Iai mai roumi ae e baairea te marawa n ti ngaia ke n taakina karawa n oini baina? Ngkoe ae ko kaaki te tano n te aonnaba i nanon te b'aketi ke n taua rawaawatan taian tabuki ao taiani maunga i aon te kainikatine?

Taniera 4:3

Ai korakorara taiani kamimii ake E kaoti te Atua nakoira! Ai m'aakara ana kakai ake E a tia ni karaoi! Bon te UEA te Atua n aki toki; E na uea n taai nako.

I-Rom 1:28

Ngke a rawa ni kaaki i nanoia ataakin te Atua, ao E katikuia n aroia aika ti te iangoi baika kammaira, b'a a aonga ni karaoi m'akuri aika aki riai.

I-Rom 8:6

B'a nanon te rab'ata bon te mate, ma nanon te Tamnei are Raoiroi bon te maiu ao te raoi.

I-Ebeto 1:19

ao tera aroni m'aakana ae raka korakorana, nako ira ngaira aika ti onimaki. Te m'aaka aei bon ti te bo ma korakorani m'aakana,

Te Kaotioti 15:3

Ao a anenea ana anene Mote are ana toro te Atua, ma ana anene te Tiibuteteei, ao a kaangai, “Te Uea ae te Atua, ae Moan te M'aaka, A kakannato am m'akuri ao a kamimii! A eti ma ni koaua arom, Ngkoe ae aia Uea botannaomata!