Taian Areru 111:10 - Te B'aib'ara

¹⁰ Ongeaba ao karinea te UEA! Bon aio te moani m'aneka nakon te wanawana ma te iango ae raoiroi. E na teimatoa ni karineaki te Atua.

Taian Areru 111:10 ပူးပေါင်းရင်းမြစ်များ

Iobi 28:28

E taku te Atua nakon te aomata, “Ngkana ko tangiria ni wanawana, ao ko riai n anga te karinerine nakon te UEA. Ngkana ko kan atatai, ao ko na rairaki nako man te buakaka.”

Taian Areru 1:3

Ti te bo ma te kai are e tei i rarikin te tabo n ran: e maiureirei ao e kariki uaana n ana tai n uaa, ao e aki rai baana. A bane ni materaoi baike e karaoi.

Taian Areru 145:2

N na kamoamoako n te bong ae koraki ma n neboiko n aki tootoki.

Taeka n Rabakau 1:7

Karinea ao ongotaeka iroun te UEA! Aio bon moanan te rabakau. Bon te nanobaba ane e aki butim'aea te wanawana ma te reirei.

Taeka n Rabakau 3:4

E na tangiriko te Atua ma aomata ao a na atongko b'a ko tokanikai.

Taeka n Rabakau 9:10

Karinea ao ongotaeka iroun te UEA Boni moanan te wanawana aei. Ngkana e reke iroum te ataib'ai, ao ko riai n ataa te Atua are e Tabu.”

Te Minita 12:13

A konaa ni bootaki b'aai ni kabane akana ko reiakin n taeka aika ti tabeua aika: Karinea ao ongotaeka iroun te Atua! Bon anne raoi nanon te maiu.

Nakoaia Ibonga 19:14

Bon te UEA Ngai ae Atuami, ao I tuangngkami b'a kam na tai b'ainigareiia akana a bonotaninga, ke tao ni kab'aka te matakii.

Mataio 25:21

E taku ana toka nako ina, “Ko a tia ni m'akuri raoi, te toro ngkoe ae ko raoiroi ae ko kakaonimaki. Ko a tia ni kakaonimaki nakon te b'ai ae uarereke, N na karaoiko b'a ko na mataniwi i aoni baika bati; ko na rin i nanoni kim'areirein am toka!”

Mataio 25:23

E taku ana toka nako ina, “Ko a tia ni m'akuri raoi, te toro ngkoe ae ko raoiroi ae ko kakaonimaki. Ko a tia ni kakaonimaki nakon te b'ai ae uarereke, N na karaoiko b'a ko na mataniwi i aoni baika bati; ko na rin i nanoni kim'areirein am toka!”

Ioane 12:43

b'a a tangira riki kamoamoaaia irouia aomata nakoni kamoamoaaia iroun te Atua.

Ioane 13:17

Ngkana kam atai baikai, ao kam a kab'aia ngkana kam karaoi.

Ioane 5:44

Kam na kanga ni kona n onimakinai ngkai kam butim'aea te kamoamoaki mairoun temanna ma temanna, ao kam aki ukoukora te kamoamoaki mairoun Temanna are bon ti Ngaia te Atua?

I-Rom 2:29

Ma te I-Iutaia ni koaua bon te aomata ae te I-Iutaia i nanona; ao te korotabonimm'aane ni koaua boni b'ain te nano, ae e nako mairoun te Tamnei, ma tiaki kanoan te Tua. E reke kamoamoakin te aomata aei mairoun te Atua ma tiaki mairouia aomata.

I-Rom 2:7

Nakoia ake a ukoukora te neboaki ma te karineaki ma te aki-mamate, n aia botum'aka ni kakaraoi m'akuri aika raoiroi, ao te maiu are aki toki.

1.I-Korinto 4:5

Ma ngaia ae kam na tai motika taekan te aomata i m'ain taina raoi, are tain rokon te UEA, are E na kaoti b'ain te roo aika raba, ao E na kaoti naba iango aika raba i nanoia aomata. Ao ngkanne ane a na anganaki aomata nako kamoamoaaia mairoun te Atua.

2.I-Korinto 4:17

B'a rawawatara ngkai ae bebete e na uotiira nakon te mimitong ae e raka arona ae e aki totoki ae akea aroni kabotauana.

1.Betero 1:7

b'a e aonga n riki kataan ami onimaki, ae kakawaki riki nakon te koora ae kai mauna are e boni kataaki naba n te ai b'a ua ra, b'a kamoamoami ma neboami ma karineami ngkana E a manga oki Iesu Kristo,

Te Kaotioti 22:14

A a kab'aia akana teboki aia kunnikai aika m'arairai, b'a e na reke nakoia te kona n roko n te kai ni maiu, ao te kona n rin nako i nanoni mataroan te kaawa, b'a a aonga n rin n te kaawa.