Taian Areru 110:6 - Te B'aib'ara

⁶ E na motiki taekaia botannaomata nako, E na botataia n tiringiia ao ni kab'arikoirake rab'ataia akana mate; ni kabutaa aonnaba

Taian Areru 110:6 ပူးပေါင်းရင်းမြစ်များ

Karikani B'aai 3:15

N na karika te i kairiribai i marenam ma neiei n aki toki, ao i marenaia naba kanoam ma kanoana. E na kamanatua atuum, ao ngkoe ko na tenai bukin waena.”

Taian Areru 68:21

E na boni kamanatuai atuia aomata akana ribaia, Akana teimatoa n aroia ni bubure.

Taian Areru 68:22

E kaangai ana taeka te Uea, “N na kaokiia ami kairiribai mai Batian; N na kaokiia mai kabini marawa,

Itaia 11:3

E rangi ni kukurei n ongotaeka iroun te UEA. E na aki motikitaeka ti n te b'ai ae e nooria ke n taian maningongoo.

Itaia 2:4

E na katoki taiani ngurengure imarenaia botannaomata. Ane a na urui aia kabaang ma aia kainiwai ni manga kariki b'a taian reeke ma tiabora; ane a na aki manga karika te buaka ke ni buakaniia i marenaia.

Itaia 42:1

Aio au tia m'akuri! I a tia ni kakorakoraa. Bon au rinerine; I kukurei i rouna. I a tia n anganna Tamneiu, ao e na uota te eti nakoia botannaomata.

Itaia 42:4

E na bon aki b'ara nanona ke ni kua ni karokoa e roko raoi te eti n te aonnaba ni kabane, ao a kariaria botannaomata nako nakon ana reirei.

Itaia 51:5

A ingainga n tataningaai b'a N na kamaiuia aomata ake a maeka n taabo aika a raroa nako i nanon te marawa. I korakora ao I tauraoi; N na roko ni kamaiungkami n te tai ae e waekoa ao N na tautaekaniia botannaomata ni kabane.

Itaia 66:24

A na otinako au aomata ni kakaai rab'ataia ake a kakaitaraai. A aki konaa ni mate taian ino ikekei, ao e aki konaa n toki uran te ai, ao a na rangi n ribaaki taraan rab'ataia aomata aikai irouia aomata nako.

Etekiera 39:4

ao ko na kaai ni mate ma koraki akana i aon taiani maunga. Ao mannikiba ma maan aika a aki manana a na roko ni kang

Mika 4:3

E na katoki taiani ikaakaiwi i marenaia botannaomata ake a korakora ake a kaan ma ake a raroa nako. A na oniki aia kabaang b'a b'aini kamarauan te tano, ao aia kainiwai b'a biiti i bukin kaitiakan aroka. E nangi toki te buaka i marenaia botannaomata, akea riki te manga katauraoi i bukin te buaka.

Ab'akuka 3:13

Ko otinako ni kamaiuia am aomata, Ko kamaiuia am uea aika ko rineia Ko oroia rikaaki taan kairiiri aika a buakaka ao ko kamaunaia taan rimwiia.

Ioane 5:22

B'a akea ae motika taekana te Tama, ma E angan te Nati te motiki-taeka ni kabane;

Te Kaotioti 14:20

Ao e toutouaki b'ain taonani kureebe i tinanikun te kaawa, ao e ti nako te raraa mai iai, ao e raanga nako tao uabubua te maire, ao rietana tao nimaua te buti mai aontano.

Te Kaotioti 19:11

Ao I nora karawa b'a e uki; ao noria, te aoti ae mainaina! Ao aran teuare toka i aona boni Kakaonimaki ao Koaua; E aki ribuaka n ana moti, ao E aki naba ngkana E buaka.

1.Tamuera 2:10

Ara UEA, a na maaerikiriki aomata aika buakaniko ngkana Ko buakaniia ma rebwen te baa mai karawa. Ko na motika taekan te aonnaba ae b'anin ao Ko na anga te m'aaka ma te korakora nakon am uea ae rineaki.