Taian Areru 110:4 - Te B'aib'ara

⁴ E a tia te UEA ni kab'aka ana taeka ao E aki kona ni bitia: A kaangai ana taeka, “Ko na riki b'a te ibonga ngkoe n aki toki n ai aroni Merekitereka.”

Taian Areru 110:4 ပူးပေါင်းရင်းမြစ်များ

Karikani B'aai 14:18

Ao e uota te kariki ma te wain Merekitereka are uean Tarem nakon Aberam. Bon Ana ibonga naba te Atua ae Moan te Rietaata Merekitereka.

Taian Areru 132:11

Ko a tia ni kab'aka am Taeka ni bau nakon Tawita am berita ae Ko na boni kakoroa bukina: “N na karika temanna irouia natim m'aane b'a te uea, Ao e na onea mwim n tautaeka.

Tekaria 6:13

E na tei te ibonga i rarikin ana kaintokanuea, ao uoman mai buakoia a na riki b'a raao aika raoiroi.

Warekaia Iteraera 23:19

Tiaki aron te aomata te Atua! E aki kona ni kewe, ao E aki bibitaki naba nanona. E aki kona n ae E na aki kakoroa bukin Ana berita.”

Ebera 5:6

Ao E a manga kangai naba n te tabo teuana: “Bon te Ibonga Ngkoe n aki toki N ai aroni Merekitereka.”

Ebera 6:20

ike E a tia n rin iai Iesu i bukira, ae te tia ri-moara; ao E riki b'a te Ibonga ae Kakannato n aki toki, n ai aroni Merekitereka.

Ebera 7:11

Ma ngaia aei, b'a ngke arona b'a e kororaoi aron te nakoa n ibonga are iroun Rewi ma ana kariki, (b'a a anganaki aomata te Tua n te nakoa aei), ao bon akea kainanoan te ibonga riki temanna ae kaokoro b'a e na kaoti, n ai aroni Merekitereka, ae tiaki mairoun Aaron.

Ebera 7:17

B'a e kaotiotaki taekana ae kangai: “Bon te ibonga Ngkoe n aki toki n ai aroni Merekitereka.”

Ebera 7:21

Ma Iesu E riki n ibonga n te taeka ni berita iroun Teuare kangai nako Ina, “E taetae n tuea te Uea, ao E na aki bita nanona: ‘Bon te ibonga Ngkoe n aki toki.’ ”

Ebera 7:28

B'a te Tua e rineia aomata aika a aki kororaoi n aroia b'a ibonga aika kakannato; ma te taeka n akoi are karaoaki ma te taeka ni bau are roko rimwi i mwin te Tua, e rinea te Nati b'a te ibonga ae kororaoi n arona n aki toki.

Te Kaotioti 1:6

ao E karaoira b'a ibonga n ueana, aika taani beku iroun Atuana ma Tamana: ana b'ai te neboaki ma te m'aaka n tautaeka n aki toki! Amen.