Taian Areru 110:3 - Te B'aib'ara

³ E na nooraki n te bong arei, mimitongin m'akam ngkana ko tautaeka ni korakoram ni kabanea. Ko na kunnikai taian kunnikai aika tabu ae kanga ai aron te aoi i m'ain otin taai

Taian Areru 110:3 ပူးပေါင်းရင်းမြစ်များ

1.Rongorongo 16:29

E kamimii, Neboia ao uotimai ami karea nako nanon ana Tembora. Taromauria te UEA, ae e rine man tabu.

Neemia 11:2

Ao i mwiina, a bane aomata n buubutia te Atua b'a e na kakab'aiaia ake a kukurei ni maeka i Ierutarem.

Taian Areru 29:2

Kam na angan te UEA neboakin arana ae mimitong; Kam na bobaraaki i matana ngkana E kaoti.

Taian Areru 96:9

Bobaraaki i m'ain te Atua ae Tabu ngkana E kaoti; Kam na karinanoingkami i matana, ngkami kaain aonnaba ni kabane!

Etekiera 43:12

A na riai ni katabuaki te tabo are e mena iai te Tembora i aon te maunga are e tabu! Bon aei te kabanea ni kakawaki n tua i bukin te Tembora.

Mika 5:6

A na kataenikaia Aturia are n aban Nimrota n aia b'ai ni buaka, ao a na kamaiura mairouia I-Aturia ngkana a roko ni buakaniira.

M'akuri 1:8

Ma ane kam na anganaki te m'aaka, ngkana E roko te Tamnei are Raoiroi i aomi; ao ane kam na riki b'a taan tataekinai nakoia aomata i Ierutarem ao n taabo nako i Iuta, ao i Taamaria, ao i aonnaba ni kabuta.”

M'akuri 19:20

Ao e buta nako ana taeka te UEA n te aro anne, ao a bati riki aomata ake a onimaki.

M'akuri 2:33

Ngkae E neboaki i angaatain te Atua, ao ngkae E anganaki iroun te Tama te taeka n akoi i bukin te Tamnei are Raoiroi, ao E a tia n nurakina te baei, ae kam noria ma n ongo.

M'akuri 2:41

A b'abetitoaki ngkanne aomata ake a butim'aea ana taeka Betero, tao 3,000 m'aitiia, ao a ikotaki ma m'aitiia taan onimaki n te bong arei.

M'akuri 21:20

Ao ngke a ongo, ao a karaoiroa te Atua, ao a taku nakoina, Tarira, ko noria b'a nga ma nga I-Iutaia aika tia n rairaki, aika a rangi ni korakora nanoia n tangira te Tua.

M'akuri 4:4

Ma a bati i buakoia aomata ake a ongo aia taeka Betero ma Ioane ake a kakoauaa; tao nimangaa m'aitiia ake a onimaki.

2.I-Korinto 13:4

B'a E tauraki n te kaibangaki i bukini mamarana, ma E a manga uti ni m'aakan te Atua. B'a ti mamara n ai aroni Kristo, ma n reitakira ma ngkami ao ti na maiu ma Ngaia ni m'aakan te Atua.

2.I-Korinto 8:12

B'a ngkana iai te nano ae korakora ni kan anga ao e butim'aeaki te b'ai n akoi n ai aroni m'aitin are e anga te aomata, ma tiaki n ai aron aekan ana b'ai.

2.I-Korinto 8:16

Ma E na katituaraoaki te Atua, are kaki i nanon Tito te nano ae ti te bo ma nanora i bukini buokami.

I-Ebeto 1:4

B'a i m'aini karikan aonnaba ao E a kaman rineira i bukina ngkai ti katiteuanaki ma Kristo, b'a ti aonga n itiaki ma n aki bareka i matana; ao n ana tangira,

I-Biribi 2:13

B'a bon te Atua ae m'am'akuri i nanomi b'a kam aonga ni kukurei ni karaoa ana kaantaninga n akoi.

1.I-Tetaronike 4:7

B'a E aki weteira te Atua nakon te maiu ni kammaira, ma E weteira b'a ti na b'aina te maiu ae itiaki.

Tito 2:14

are anga Ngaia i bukira, b'a E aonga ni kainaomataira man te buakaka ni kabanea, ao E aonga ni kaitiakiira b'a aomata aika ana aomata n ti Ngaia, aika iai nanoia ae korakora ni kani karaoi m'akuri aika raraoi.

Ebera 13:21

E na katauraoingkami nakoni m'akuri aika raraoi ni kabane b'a kam aonga ni karaoa nanona, ao b'a kam aonga iroun Iesu Kristo ni karaoa are E na kukurei iai te Atua. Ao ana b'ai Kristo te neboaki n aki totoki. Amen.

Te Kaotioti 7:9

I mwini baikai ao I taratara nako, ao noria, aomata aika rangi ni m'aiti aika mani botannaomata ni kabaneia, ma baronga, ma natanaomata, ao mani botannaomata nako aika a kakaokoro aia taetae; ao akea temanna ae kona ni wareki m'aitiia. A tei i nanoaan te kaintokanuea, ao i matan te Tiibuteteei, ao a kunnikaiia ni kunnikai aika m'am'arai aika mainaina, ao baanikaai aika ai aroni baan te ni i nanoni baiia;

Tani Motiki-taeka 5:2

Ti neboiko, te UEA. A anga nanoia ana tautia, a tauraoi ni iriko.

Tani Motiki-taeka 5:9

I neboiko, te UEA, ao I rangi ni kaitau i bukiia taani kairiiri ao tautia aikai aika a anga nanoia.