Taian Areru 11:4 - Te B'aib'ara

⁴ E mena te UEA i nanon ana Tembora are tabu; ao e mena ana Kaintokanuea i karawa. E tarataraia aomata ni kabaneia n taabo nako, ao E atai baika a karaoi.

Taian Areru 11:4 ပူးပေါင်းရင်းမြစ်များ

1.Rongorongo 17:5

I aki maeka n te Tembora ngke I kaotinako ia au aomata mai Aikubita, ao I tuai naba mani maeka n teuana ni karokoa te bong aei. E a tia n riki te auti rianna b'a mwengau ni koaua n taabo nako ake I a tia ni m'ananga ma ngaiia nako iai.

2.Rongorongo 16:9

E teimatoa te UEA n tataraia aomata ni kabane, ao e anga te korakora nakoia ake kakaonimaki n ongotaeka i rouna. Ma ngkoe, ko a tia ni karaoa te m'akuri n nanobaba, ao e na bon aki konaa ni manga reke riki te rau n abanueam.

Iobi 24:23

E bon anganna te maiu raoi ti i nanon tabeua te tai, ma E bon tarataraia n taai nako.

Taian Areru 103:19

E kaaki ana kaintokanuea te UEA i karawa; E uea i aoni b'aai ni kabane.

Taian Areru 113:5

Akea n ai aron te UEA ae Atuara. E mena ana kaintokanuea i etani karawa,

Taian Areru 139:23

Te Atua, ko na kekera nako arou, ao ataa nanou, Ko na kataai, ao kunei au iango.

Taian Areru 14:2

E tarataraia aomata te UEA mai karawa b'a E kan noria b'a tao iai ae wanawana ae e na ukoukoria ke akea.

Taian Areru 18:6

Ngke e kai nanou, ao I wetea te UEA, ae Atuau b'a E na buokai. E ongo b'anaau man ana tembora, ao E ongora n tangu.

Taian Areru 2:4

E na ngarengare te Uea are tekateka i aon ana kaintokanuea i karawa, ni b'ainingareia botannaomata.

Taian Areru 33:13

E tara aonnaba te UEA mai karawa, ao E noriia aomata nako.

Taian Areru 44:21

Ao Ko na kamani kunea: b'a Ko atai nanora aika raba.

Taian Areru 66:7

E tautaeka n aki toki ni m'akana, Ao E tatarataraiia botannaomata nako. Ke a tai teirake akana rawa ni kan aantaeka i rouna n ekianako.

Taian Areru 9:11

Kam na anenea karaoiroan te UEA are maeka i Tion! Kam na tataekin ana M'akuri i buakoia botannaomata.

Taeka n Rabakau 15:3

E noori b'aai ni kabane te UEA aika a raoiroi ma aika a buakaka.

Itaia 66:1

E taku te UEA: Au kaintokanuea karawa ao nnen katokaniwaeu aonnaba. Tera te aekaki n auti ae ko na karaoia ibuku? E nga te tabo ae N na motirawa iai?

Ieremia 17:10

Ma I atai baika kam a tia ni karaoi ma ami iango ao I kakoaua raoi b'a e na reke nako imi te b'ai are kam bon kaantaningaia.

Ieremia 23:24

i karawa ao i aon te aonnaba. Bon akea taabo aika a raba aika kam na konaa ni karabaingkami mairou.

Mika 1:2

Ongora ngkami aika botannaomata nako; kakauongo ngkami aika kam maeka n te aonnaba; e na kaoti arom nako aika a buakaka te UEA. Kakauongo! E taetae man ana Tembora are i karawa.

Ab'akuka 2:20

E mena te UEA i nanon ana Tembora are e tabu, ke a bane kaain aonnaba ni kainab'aabu i matana.

Tekaria 2:13

Kam na kainab'aabu aomata ni kabane! E a roko te UEA ao E a ririaki i nanon ana tabo ae e tabu.

Mataio 23:21

Ao ane m'anewea aran te um'antabu b'a te b'ai ni kakoaua ngkana e taetae n tuea, ao e taetae n tuea n te um'antabu ao iroun Teuare maeka i nanona;

Mataio 5:34

Ma Ngai I taku nako imi, Tai tuea naba teutana. Tai m'anewea arani karawa ngkana ko tuea, b'a nnen te Atua ae tautaeka iai;

M'akuri 7:49

E taku te UEA, Karawa au kaintokanuea, ao aonnaba neni katokani waeu. Te aeka n auti tera ae kam na kateia i buku? Ke tera neu ni motirawa?

2.I-Tetaronike 2:4

E na ekianako akana atongaki b'a atua ni kabaneia ma baika taromauriaki, ao e na rin n tekateka n um'antabun te Atua ma n taetae ni kaotia b'a aongkoa te Atua ngaia.

Ebera 4:13

Bon akea te b'ai teuana ae karikaki ae na raba mai Rouna; ma a bane b'aai ni kakiaki rabunaia ma ni kaotaki raoi i matan Teuare Ngaia ae ti nangi taekin arora nako Ina.

Te Kaotioti 4:2

Boni ngkekei naba ao I a mena naba i aani m'aakan ana kairiri te Tamnei are Raoiroi; ao noria, e mena te kaintokanuea i karawa ma temanna ae tekateka i aona.