Taian Areru 11:1 - Te B'aib'ara

¹ I onimakina te UEA i bukini kamanoau; kam rangi ni baba ngkae kam kaangai nako iu, “Kiba nako n ai aron te mannikiba nako aoni maunga,

Taian Areru 11:1 ပူးပေါင်းရင်းမြစ်များ

2.Rongorongo 14:11

E tataro Ata ao e taku: Te UEA ae te Atua, bon ti ngkoe ae ko konaa ni buoka te taanga ni buaka ae akea korakorana ma ni katokanikaia i aon ae korakora. Ma ngaia ae, ti onimakinna b'a ko na buokiira. Ti na buakana te taanga ni buaka ae korakora aei i bukin neboan aram, ao ti ataia b'a ko bon aki konaa ni konaaki. Bon te UEA ae Atuara ngkoe.

2.Rongorongo 16:8

Uringa aron korakoran ana taanga ni buaka Itiobia ao Rubim, ma aia kanibuaka ni kabane ao taan buaka i aoia aoti! Ko onimakina ngkoa te UEA b'a e na buokiko, ao e anganiko te tokanikai i aoia.

Neemia 6:11

Ao I taku, “E aera ngkai N na biri nako ma ni karabaai i nanon te Tembora i bukin rawean maiu? I aki nako!”

Taian Areru 16:1

Te Atua, ko na kamaiuai! I biri nakoim b'a I onimakiniko

Taian Areru 25:2

Atuau, I onimakiniko; Buokai b'a N na aki mamaa ni konakiu; Tukiia aiau b'a a na aki b'ainingareai.

Taian Areru 31:14

Ma iai irou onimakinam, te UEA; Bon Atuau Ngkoe.

Taian Areru 56:11

I onimakinna ao akea te b'ai ae N na maaku iai. Tera ae e kona te aomata ni karaoia nako iu?

Taian Areru 7:1

Te UEA ae Atuau, bon te tia kamanoai Ngkoe; Ko na kamaiuai mairouia taani kaeai ni kabaneia.

Taian Areru 7:2

B'a rimwi a na raebitiai kanga te raian ngkana e raebitia konana, ao akea ae e kona ni kamaiuai.

Taian Areru 9:10

A na onimakiniko akana a ataa aram, ao Ko aki kitaniia akana nakoim.

Taeka n Rabakau 6:5

Kamaiuko i bon iroum, n ai aron te ria ke te mannikiba ae e kataia ni birinako mairoun te tia kaeman.

Ieremia 48:14

Ko taekinna b'a a korakora ma n ninikoria am tautia.

Ruka 13:31

A roko B'aritaio tabem'aang n te tai naba arei, ao a taku nakon Iesu, “Ko na nako maikai, b'a e tangiriko Erote b'a ko na kamateaki!”

1.Tamuera 19:11

N te tairiki naba arei ao e kanakoia rorobuaka tabeman Tauro b'a a na tarataraa ana auti Tawita ao n tiringnga n te moaningabong. Ao e kauringa Tawita Nei Mikara ao e kaangai, “Ngkana ko aki biri nako n tairiki, ao ko na tiringaki nakon te moaningabong!”

1.Tamuera 20:38

Tiaki ikanne! Kawaekoako! E anaa te kanoanikatebe ao e kawara ana toka,

1.Tamuera 22:3

Ao e m'ananga mai ikekei Tawita nako Mitib'a i Moaba ao e taku nakon uean Moaba, “I butiiko b'a ko na kariaia b'a a na tiku i rarikim tamau ma tinau ni karokoa e reke irou te b'ai ae E tangiria te Atua b'a N na karaoia.”

1.Tamuera 23:14

Ao e tiku ni karabaa Tawita n aaba ake a tabukibuki, n te rereua are i rarikin Tiba. Ao e a m'aiti te tai ae e kuri n reke iai iroun Tauro, ma E aki anga Tawita te UEA nakon Tauro.

1.Tamuera 27:1

E taku Tawita i bon i rouna, “E na bae n tiringai Tauro i nanoni boong aikai. E raoiroi riki irou ngkana I biri nako Biritia. Ane e na kakaaeai Tauro i aon Iteraera ao N na bon maiu iai mai rouna.”