Taian Areru 109:22 - Te B'aib'ara

²² Akea au b'ai ao e kai nanou; e korakai nanou.

Taian Areru 109:22 ပူးပေါင်းရင်းမြစ်များ

2.Uea 4:27

Ma ngke e a tib'a roko i taubukin te maunga, ao e kawara Eritai ao e taua waena. Ao e kawaria Keati b'a e na kanakoa ma e kaangai Eritai, “Tai kuaia. Ko aki noora rawawatan nanora? Ma e aki roko n te tuangai te UEA bukin te b'ai ae e na riki aei.”

Iobi 6:4

E a tia te Atua ni katebeai n taian kainikatebe, ao e buta i nanon rab'atau boitinna. E katauraoa buakanakiu te Atua.

Taian Areru 102:4

I rangi ni mamara kanga ai aron te uteute ae rai; E bua te kan am'arake.

Taian Areru 109:16

Akea iroun te aomata anne iangoani kani karaoan te m'akuri n ataataiaomata: E b'ainikiriniia ma ni kamateia akana akea aia b'ai, ma akana a kai nanoia, ma akana a b'ara nanoia.

Taian Areru 22:6

Ma tiaki te aomata ngai, b'a bon te m'ata, ae e kakeaki bonganana ma n riribaaki irouia aomata nako.

Taian Areru 25:16

Te UEA, tani mai nako iu, ao nanoangaai, B'a I maroaa ao I kananoanga.

Taian Areru 40:17

Ao ngai, I a kaawa, ao e kai nanou; Ma E ururingai te UEA: Bon te tia buobuokai ao au tia kamaiu Ngkoe, Atuau! Bareiko ni buokai.

Taian Areru 86:1

Te UEA, ongo irou ao buokai, B'a I kaawa, ao e kai nanou.

Itaia 53:3

E ririibaaki ao e katinanikuaki; e onrake maiuna n te nanokawaki ao te rawawata ae e kakamaaku. Bon akea temanna ae e kan tarataraia. Ti kabuakaka ao ti kaangai, “Te aomata n aki akaaka!”

Mataio 8:20

E taku Iesu nako ina, “Iai nneia ni maeka kameaanti ao ngaoia manin aan-nang, ma akea nnen Natin te Aomata ae E na kawenea iai atuna.”

Ruka 22:44

Ngke E taonaki n te rawawata ae bati, ao E a kakorakora riki n tataro; ao maonona, a riki b'a kanga ai aron timtim n raraa aika buubura aika waanako ni b'aka i aontano.

Ioane 12:27

“E rawawata nanou ngkai; ao tera ae N na taekinna? Tao N na kaangai, Tamau, kamaiuai man te aoa aei? Ma aei bukin rokou, b'a N na rin i nanon te aoa aei.

2.I-Korinto 8:9

B'a kam ata ana akoi ara UEA are Iesu Kristo, b'a ngke E kaub'ai, ao E riki n aki kaub'ai i bukimi, b'a kam aonga ni kaub'ai n ana aki kaub'ai.