Taian Areru 109:15 - Te B'aib'ara

¹⁵ A bia aki kona ni bua taekan aia bure iroun te UEA, B'a E aonga ni kamaunai taekaia mai aon te aba.

Taian Areru 109:15 ပူးပေါင်းရင်းမြစ်များ

Iobi 18:17

Ao e a toki uringana n te auti, ao n taabo nako; bon akea ae manga ururingnga.

Taian Areru 109:13

A bia bane ni mate ana kariki, ao e bia aki uringaki taekana n te roro ae na roko.

Taian Areru 34:16

Ma E ekianako nako akana buakaka, b'a ngkana a mate, ana bon akea naba ururingakiia teutana.

Taian Areru 34:17

Ngke a tangira buokaia akana raoiroi, ao E ongo te UEA irouia; ao E kamaiuia man aia kaangaanga ni bane.

Taian Areru 51:9

Karabai matam man au bure nako, Ao kamaunai arou nako aika bubuaka.

Taian Areru 90:8

Ko aki ti norira ngke ti bure, ma Ko norira naba ngke ti kataia ni karabai ara bure mairoum.

Itaia 65:15

au Aomata aika a rineaki a na kamanenaa aram i bukin te kamaraia. Ma ngai, ae te UEA ae I tautaekan b'aai ni kabane, N na tiringingkami. Ao N na anganiia ake a ongotaeka irou te ara ae boou.

Ieremia 2:22

E taku te UEA: Kaain Iteraera, kam a barekareka n te bure, ao akea te toobu ke te b'ai ni kanakomemea ae e konaa ni kanakoa.

Otea 7:2

Bon akea temanna ae e ataia ae I a tia n noori aia bure nako aika a otab'aniniaki iai kaanga te ieka.

Amota 8:7

E a tia ni berita te UEA ae Atuaia Iteraera ao E kaangai, “N na bon aki m'aninga aia m'akuri aika a buakaka.”

Te Tua-Kaua 32:34

Ma E a tia te UEA ni koroi mwiin aia bure ma ni kainna n Ana ru ni kaawakinib'ai.