Taian Areru 109:10 - Te B'aib'ara

¹⁰ A bia riki natina n aroia aomata aika aiwaa ni bububuti kanaia; ao ni maeka n auti aika aki tamaroa te tabo ae a urebekebeke autina!

Taian Areru 109:10 ပူးပေါင်းရင်းမြစ်များ

2.Tamuera 3:29

A bure iai Ioaba ma ana utu. Bon au tataro b'a a na taonaki n te aoraki ae te kaboa ana utu Ioaba n taai nako ao aorakin te kun ake tabeua. A na riki b'a aomata aika a kibiubiu, ao a na mate n te buaka ke te baki.”

2.Uea 5:27

I bukin te b'ai ae ko a tia ni karaoia, ao e na manga ewekiko ngkai reeberan Naaman, ao a na ewekaki naba kanoam n aki toki.” Ao n te tai naba arei, ao e mainaina kunna n te reebera, ao e taonnako.

Iobi 27:14

E ngae ngkana tao a karikiia natiia m'aane aika m'aiti, ma a na bane ni mate n te bo ni buaka; e na aki tau reken te am'arake ae a na kanna natiia.

Iobi 5:4

ao ni katikuia natiia n akea ae kani kamaiuia i nanon taian kabowi.

Taian Areru 37:25

I a kara ngkai; I a tia ni maiu n te tai ae ananau, Ma I tuai n nora te aomata ae e raoiroi ni kitanaki iroun te UEA, Ke n noriia natina b'a a bubuti kanaia.

Taian Areru 59:15

Ai aroia kamea aika aiwaa ni kakaaei kanaia, Ao a tatangitang ni kaota aki raun nanoia ngkana e aki tau m'aitini kanaia.

Itaia 16:2

Ti te bo ainen Moaaba ake a ri nanon te Karaanga are Arenon ma te nanai ni man ni kiba ake a tionako mani ngaoia.