1 Te Atua, I kamoamoako; tai tiku ni kainab'aabu!
Bon Atuau Ngkoe, ao N na katituaraoiko; N na kaotiota kakannatom.
Te UEA, ae nneu ni katantan, I weteiko; ongo b'anaau! Ngkana Ko aki kaekaai, ao N na ruo naba nakon aia aonnaba maate.
Te Atua, Ko na tai kainab'aabu, ao Ko aoriko n akea te b'ai ae Ko karaoia!
Taraia am Kairiribai! a kiriwe; ao a rawa ni kan aantaeka iroum akana ribaiko.
Bon otangau ae matoatoa te UEA; boni Ngaia ae E a tia ni kamaiuai. Bon Atuau, ao N na neboia, Bon Tamau te Atua, ao N na anenea korakorana.
I a tia n tautaua marakin nanou n te tai ae e maan Ngai ae te UEA; ao ngkai N nang takaarua mani ngirangira kanga te aine ae e ariri ni bung.
Te UEA, boni Ngkoe ae I neboiko. Ma ngaia are, Ko na kamarurungai ma ni kamaiuai! Ao i mwiina, N na marurung raoi ma ni kaawakinaki raoi.
Aanga ami nebonebo nakoina, b'a kam a tia n nooria ni karaoi kakai aika kakamaaku i bukimi.
