Taian Areru 107:9 - Te B'aib'ara

⁹ E katoki takaia akana kani moi, ao E kanuaia akana baki ni baika raraoi ake a kang.

Taian Areru 107:9 ပူးပေါင်းရင်းမြစ်များ

Taian Areru 132:15

N na kakab'aia Tion ni karekei nakoina b'aai ni kabane aika e kainanoi; N na kanuaia n te am'arake ana aomata akana kananoanga.

Taian Areru 146:7

E kaeti raoi taekaia akana karawaawataaki, ao E anganganiia akana baki kanaia. E kainaomataia akana kabureaki te UEA

Taian Areru 22:26

A na am'arake ni katoki nanoia akana akea aia b'ai; Ao a na kamoamoa te UEA akana kawaria. A bia anganaki kukurein nanoia n aki toki.

Taian Areru 34:10

A kona raian ataei ni baki b'a akea kanaia, ma akea te b'ai ae e raoiroi ae na aki reke irouia akana ongeaba iroun te UEA.

Taian Areru 34:11

Ngkami aika kam reirei irou, kam na nako mai n ongora irou, ao N na reireingkami b'a kam na rabakau ni karinea te UEA.

Ieremia 31:14

N na kakab'aiaia Au aomata n te am'arake ae e raka riki nakon are a kainanoia, ao a na kukurei ibonga n anaa kanaia te iriko ni man are a bon taku. Bon aio Au taeka Ngai ae te UEA.

Ieremia 31:25

A na manga reke maiuia ma korakoraia koraki akana a kua ma ni kainano,

Mataio 5:6

A a kab'aia akana b'aruua te raoiroi mani kani mooi iai b'a a na ngae.

Ruka 1:53

E katoki nanoia akana aki kaub'ai ni baika raraoi, ao E kanakoia akana kaub'ai n aki kab'aib'aia.