Taian Areru 107:41 - Te B'aib'ara

⁴¹ Ma E kamaiuia akana kananoanga man rawawataia, Ao E kabatiaia kaain aia utu, kanga ai aron te nanai ni man.

Taian Areru 107:41 ပူးပေါင်းရင်းမြစ်များ

Karikani B'aai 48:11

Ao e taku Iakob'a nakon Ioteb'a, “I aki kantaningaia b'a N na manga nooringkami riki, ao ngkai, E a tia te Atua ni karekea au tai n nooriia natim.”

Iobi 21:11

A biribiri aia ataei, ao a takakaro n ai aroia tiibu ataei,

Iobi 36:15

Ma E reireiniia aomata te Atua i nanon te rawawata, ao E kabongana te maraki i bukin kaureani mataia.

Iobi 42:16

Ao e maiu Iobi 140 te ririki i mwiin aei. E kauiaia tibuna Iobi, ma tibutoruna

Iobi 5:11

Eng, bon te Atua ae kateirakea te aomata ae nanorinano, ao E kakukureia aika tangi ni wenei ni kabane.

Iobi 8:7

Kaub'aim ni kabane ake a tia ni bua a na bon aki kona ni kabotauaki ma kaub'aim akana E na anganiko te Atua n taai aika na roko.

Taian Areru 128:6

E na teimatoa maium b'a ko aonga n noriia tibum! E na mena te rau i aoia Iteraera!

Taian Areru 78:52

Ao E kairiia ni kaotinakoia ana botannaomata n ai aron te tia kawakin-tiibu ngkana e kairiia ana nanai, Ao E kaiririia ri nanon te rereua.

Taeka n Rabakau 17:6

A kakatonga aia karo tamaia ma tinaia irouia tibuia, ao a na riai ni kakatonga naati irouia aia karo.

Ieremia 31:27

N te bong teuana, a na riki Iteraera ma Iuta b'a Au tawaana ike a na rikirake iai Au aomata ma Au man.

Iakobo 5:11

Noria, ti taku b'a a kab'aia ake a nanom'aka. Kam a tia n ongo nanom'aakan Iobi, ao kam ata aron te Uea n tabeakinna n tokina. B'a moan te nanoanga te Uea, ao E akoi.

1.Tamuera 2:21

Ao te UEA E akoa Nei Anna, ao a manga reke riki natina teniman m'aane, ao uoman aine. Ma e rikirake n ikawai rake Tamuera n Ana auti te UEA i Tiro.

1.Tamuera 2:8

Ko tabekiarake aomata aika kainano ao aika akea mwengaia Ko anaia mai buakon turam ni maange ao Ko anganiia te nne ae karineaki i nanon taiani bareti. Ko katea te aonnaba i aon taian aana, ao bon am b'ai.