Taian Areru 107:4 - Te B'aib'ara

⁴ A tiotio nako n te rereua n te kawai ae kamaroaa; E aki reke irouia te kaawa are a na maeka iai.

Taian Areru 107:4 ပူးပေါင်းရင်းမြစ်များ

Iobi 12:24

E kariki aia mataniwi b'a nanobaba, ao E katiotionakoia ni kam'aningaia, ao a noubaba.

Taian Areru 107:40

Ao E kakeai bonganaia ake a taenikai irouia, Ao E katiotioia nako n rereua, ike akea te kawai iai.

Etekiera 34:12

n aroia taani kawakin tiibu ngkana a kaawakiniia aia tiibu ake a maae nako ma ni manga kaokiia. A tia ni bua Au tiibu man te bong are e rootongitong are e kananokawaki ngke a maae nako i buakoia botannaomata. Ma N na kamaiuia

Etekiera 34:6

Ma ngaia are, a maaenako au tiibu ni kabutaa te aonnaba. A tiotio nako i aon tabuki ma maunga, ao bon akea temanna ae e tabeakiniia ni kakaaia.

Warekaia Iteraera 14:33

A na tiotio nako natimi i nanon te rereua aei i nanon abwi te ririki, n rawawata i bukin ami bure n karokoa te tai are kam bane ni mate iai ngkami aikai.

Warekaia Iteraera 32:13

ma E rangi n un irouia ake tabeman n te aro are E a kanakoia b'a a na tiotio nako n te rereua i nanon 40 te ririki. I m'aain te tai anne, a bane n tia ni mate aomata ake a tia ni bure nako Ina.

Te Tua-Kaua 32:10

Iteraera, E kuneingkami te UEA n te aba are e rereua are korakora iai te ang ae tangim'aaka. E riki te UEA b'a nonomi are kaawakiningkami kaanga ai aron kaawakinakin kanoani matana.

Te Tua-Kaua 8:15

Kam na uring naba arona ngke E kairingkami n te rereua are rangi ni korakora ma ni kakamaaku, ike a mena iai taiani naeta, ao tikaobian aika kamamate. Bon akea te ran, ma E katabwena te b'a te UEA, ao e tiinako te ran, ao kam a mooi iai.

Ebera 11:38

a aki tau nakon te aonnaba aei: a tiotio nako n rereua, ao i aoni maunga, ao i nanoni b'angani matang ma kinonon te aba.

Te Kaotioti 12:6

Ao e biri nako te aine arei nakon te rereua, nakon te tabo are E katauraoia te Atua i bukina, ike e na tararuaki iai i nanon tengaa ao uabubua ao onongaun te bong.