Taian Areru 107:22 - Te B'aib'ara

²² A riai n angakarea ni katituaraoi, ao n anene ni kakatonga n tataekin ana m'akuri.

Taian Areru 107:22 ပူးပေါင်းရင်းမြစ်များ

Taian Areru 116:12

Tera ae N na angan te UEA b'a boon ana akoi ni kabane nako iu?

Taian Areru 116:17

N na anganiko te karea ae kaotan au katituaraoi nakoim, Ao N na tataro nakoim.

Taian Areru 118:17

I tekeraoi b'a I aki mate; ma ngaia ae N na kabongana maiu n tataekina te b'ai ae E a tia ni karaoia te UEA.

Taian Areru 27:6

Ma ngaia ae N na tokanikai i aoia aiau aika otab'aniniai. N na angakarea i nanon ana um'antabu ma te b'ana ni kim'areirei; N na anene ni kamoamoa te UEA.

Taian Areru 50:14

E na riki ami katituaraoi b'a ami karea nakon te Atua, Ao kam na kakoro bukin ami taeka ni bau nakon Teuare Moan te Rietaata.

Taian Areru 73:28

Ma ngai, e raoiroi irou te kaania te Atua. B'a I rineia b'a te tia katanai, N na katanoatai b'aai ni kabane ake E a tia ni karaoi.

Taian Areru 9:11

Kam na anenea karaoiroan te UEA are maeka i Tion! Kam na tataekin ana M'akuri i buakoia botannaomata.

Taian Areru 9:15

A b'aka botannaomata ake a aki onimakiniko i nanon kinono ake a ken. A boni manga bae waeia n aia b'ai ni kam'aam'ane.

Itaia 12:4

Ane kam na kaangai n te tai arei, “Ti rangi ni kaaitauko, ara UEA. ao ti taromauriiko n ti ngkoe. Ti na tuangiia botannaomata aron mimitongim ma b'aai aika ko a tia ni karaoi.

Nakoaia Ibonga 7:12

Ngkana arona b'a iai te m'aane ae e karaoa te karea aei b'a te karea ni kaaitau nakon te Atua, ao e na riai ni kaotia, n reitaki ma te man are e na kareanaki, te angab'ai are te kariki are e aki itinaki: e konaa n ae te kariki are e mmani ae e karaoaki man te buraawa ae e renganaki ma te oera, ke te berena ae e bururuaki aona n te oera, ke te keeke ae e karaoaki n te buraawa ae e renganaki ma b'aan te oriwa.

Ebera 13:15

Ma ngaia ae i nanon Iesu ao ti na tai toki n anga te karea ae karaoiroan te Atua, ae te karea ae ti anga ni wiira aika kaotiota onimakinan arana.

1.Betero 2:5

Ao ngkami naba kanga ai aron atibu aika maiu aika kabonganaki i bukini katean te Tembora n tamnei, ike kam na m'akuri iai b'a ibonga aika ana aomata te Atua, n anga karea n tamnei iroun Iesu Kristo.

1.Betero 2:9

Ma ngkami bon te botannaomata ae kam rineaki, ae ana ibonga te Uea, ae te botannaomata ae itiaki i matan te Atua, ae ana aomata te Atua, ae rineaki b'a e na kaotioti ana m'akuri aika kamimii Teuare weteingkami man te roo nakon ana oota ae kamimii.