Taian Areru 107:14 - Te B'aib'ara

¹⁴ E kaotinakoia man te rotongitong, ao E motimotiki kabaeaia.

Taian Areru 107:14 ပူးပေါင်းရင်းမြစ်များ

Iobi 15:22

Bon akea iangoan te kan otinako man te rotongitong i rouna, b'a bon tokina te mate i tabon te kabaang,

Iobi 15:30

E na bon aki kona ni biri nako man te rotongitong, ao e na ukaki nako n ikeiken te Atua.

Iobi 19:8

E a tia ni kaina te kawai te Atua, ao I aki kona n rin iai; E a tia ni karaba kawaiu n te rotongitong.

Iobi 3:5

Karikia b'a te bong ae rangi n rotongitong, ae uananginang, ae nubono matan taai iai.

Iobi 33:30

E karekea maiun te aomata, ao E anganna kakukurein te maiu.

Iobi 36:8

Ma ngkana a kabaeaki aomata n taurekereke, a kabureaki man karawawataaki i bukin baika a tia ni karaoi,

Taian Areru 102:20

B'a E na ongora ni kainanoia ake a tauaki b'a buure, Ao b'a E na kainaomataia akana a moti taekaia b'a a na kamateaki.

Taian Areru 107:10

Iai tem'angina ake a kabureaki; a rawaawata b'a a kabaeaki n taurekereke aika biiti, Ao a katukaki n te rotongitong:

Taian Areru 116:16

I neboiko, te UEA; n ai aron are kakaraoia tinau. Ko a tia ni kamaiuai man te mate.

Taian Areru 146:7

E kaeti raoi taekaia akana karawaawataaki, ao E anganganiia akana baki kanaia. E kainaomataia akana kabureaki te UEA

Taian Areru 68:6

E kareke aia tabo ni maeka akana tiku n aki raoraonaki; Ao E kainaomataia buure man te karabuuti ao E kakab'aiaia; Ma a na maeka akana rawa ni kan aan-taeka n te tabo ae m'auteretere aona.

Itaia 42:16

N na kairiia aomata i aon taiani kawai aika a tuai atai; N na kaawakiniia i nanon te kawai aika a tuai man tootoua. E roo kawaia ao e aobuaka, ma n anga te oota b'a a aonga n aki toki waeia. Bon aei au berita ae e matoa.

Itaia 49:9

Ko na kainaomataia buure man taiani kakai ake a rootongitong b'a a na noora ootan te ngaina. Ana kunei kanaia aika a m'aiti i aon kawaia n okira mwengaia, e ngae ngkana a mena i aon tabuki aika akea kain aoia.

Itaia 61:1

E niniai Tamnein te UEA ae te Atua ao e taniai! E a tia n rineai te UEA ao e kanakoai b'a N na tuangiia ake a karawaawataaki te rongorongo ae e raoiroi, ao ni kamaiuia aika a uruaki nanoia, ao ni katanoata nakoia taekan te kainaomataaki nakoia buure nako ao taenikai nako.

Ruka 13:16

Ao te aine aei, ae natin Aberaam, ae e kabaeaki i nanon tebwi ma wanua te ririki iroun Tatan, tiaki b'a e riai b'a e na kab'araki mani kabaeana aei n te bong ae te Taabati?”

M'akuri 5:19

Ma ngke e a bong, ao e kauki mataroan nako te karabuuti ana anera te UEA, ao e kaotinakoia, ao e taku nakoia,

M'akuri 5:25

Ao e roko temanna, ao e tuangiia, ni kaangai, “Noria! Aomata ake kam kaakiia i nanon te karabuuti a tei i nanon te Tembora n reireiia aomata!”

I-Ebeto 5:8

B'a kanga te roo ngkami ngkoa, ma ngkai ai kanga te oota, ngkai kam a onimakina te UEA. Kam na nakonako n ai aroia natin te oota;

1.Betero 2:9

Ma ngkami bon te botannaomata ae kam rineaki, ae ana ibonga te Uea, ae te botannaomata ae itiaki i matan te Atua, ae ana aomata te Atua, ae rineaki b'a e na kaotioti ana m'akuri aika kamimii Teuare weteingkami man te roo nakon ana oota ae kamimii.