Taian Areru 106:9 - Te B'aib'ara

⁹ E taetae nakon Tari are Uraura, ao e a ora naba; Ao E kairiia ana aomata ri nanon Tari i aon te tabo ae m'au.

Taian Areru 106:9 ပူးပေါင်းရင်းမြစ်များ

Neemia 9:11

Ko bwenaua taari are e nano ao a m'ananga am aomata i nanona i aon te tabo ae e m'au. Ma Ko kab'akaia aia kairiribai i nanona, ao a inako rikaaki n ai aron te atiibu ae e rawaawata.

Taian Areru 18:15

Te UEA, ngke Ko boaiia aiam, ngke e korakora angini b'airim n unim i rouia, Ao e oti aontanon nanoni marawa, Ao a oti naba aan aonnaba.

Taian Areru 66:6

E kaoraa taari mani karikia b'a te aba ae m'auteretere; A nakonako ri nanon te karaanga ara bakatibu; Ti kukurei i rouna ngkekei i bukin ana m'akuri aika e a tia ni karaoi.

Taian Areru 78:13

E bwenaua taari, ao E kairiia ri nanona; E katei ranin taari n ai aron te o.

Itaia 50:2

I roko ni weeweteingkami, ma kam aki kan ongo. Tao e a tia ni bua m'aakau ni kamaiungkami ao ni katoka ami kangaanga? A ikinako taiani marawa ao taiani karaanga n au taeka ao a riki b'a taian rereua; a mate taian ika ao a m'aung i bukina ngke e a bane te ran.

Itaia 51:10

Bon tiaki ngkoe ngkoa are ko kaoraa taari are e nano ao ko karaoa te kawai i bukiia am Aomata are a na toua ma ni kaawakinaki raoi iai i nanona ni karokoia n iterana are teuana?

Naum 1:4

E tua ao e ora taari. E kaorai taiani karaanga. A rai uteuten tawaanan Batian. Ao Maungan Karemera e bitaki nakon te buraun, Ao a b'ata ueen Reb'anon.

Mataio 8:26

Ao Ngaia E kangai nako ia, “Kam aera ngkai kam maaku? Ngkami aika a karako ami onimaki!” Ao E tei rake, ao E takua te ang ma naao, ao e a bati naba te ariki.