Taian Areru 106:5 - Te B'aib'ara

⁵ B'a I aonga n nora kab'aiaia ake a rineaki iroum, Ao ni kim'areirei ni kukureia am Botannaomata, Ma ni kamoamoaai ma am Aomata.

Taian Areru 106:5 ပူးပေါင်းရင်းမြစ်များ

2.Tamuera 20:19

Bon Iteraera ngaira, ao ti tangira te rau! Ti rangi ni kakaonimaki ni b'aai nako. Ao e aera ngkai ko tangiria n urua te kaawa ae ti te bo ma te tina nakon Iteraera? E aera ngkai ko tangiria ni kamaunaiia Ana aomata te UEA?”

Taian Areru 1:3

Ti te bo ma te kai are e tei i rarikin te tabo n ran: e maiureirei ao e kariki uaana n ana tai n uaa, ao e aki rai baana. A bane ni materaoi baike e karaoi.

Taian Areru 105:43

Ma ngaia are ngke E kairiia nako ana Aomata, Ao a anene n takaakaa ni kim'areirei.

Taian Areru 105:6

Ngkami akana ana kariki Aberaam are ana toro, Akana kanoan Iakob'a, akana kam rineaki i rouna.

Taian Areru 118:15

Man aia kaemb'a ni maeka ana aomata te Atua ao e roko te takakaa n tokanikai ni kaotia b'a E reke aei iroun te UEA ni m'akana ae korakora!

Taian Areru 14:7

E bia reke kamaiuan Iteraera mai Tion! Ngkana E a manga kaoka te kab'aia Te UEA nakoia ana kariki Iakob'a, ake te botannaomata ake Iteraera, Ao ane a na kim'areirei!

Taian Areru 48:11

A na kakatonga kaain Tion! Ao a na kim'areirei kaain Iuta i bukin am Babaire aika eti.

Itaia 12:6

Anene, ngkami kaain Tion! Bukamarua kakannaton UEAN Iteraera ae e tabu. E mena ikai te Atua b'a e na buokiko.

Itaia 35:10

A na oki ma te anene aomata aika e a tia te UEA ni kamaiuia ngkana a rin i Tion. E na riki te kukurei b'a aia bau ni uea ae a na baunna n aki toki. A na bukamaruia ao a na takaarua b'a a nako ni kabane rawawataia ma raraomaia.

Itaia 45:25

Bon te UEA Ngai, ae e na anga te tokanikai ao te karineaki nakoia Iteraera.”

Itaia 66:10

Kukurei ao takaarua, ngkana kam tangira Ierutarem! ngkana kam nanokawaki i bukina ngkoa kam na kakatonga ngkai.

Ioera 2:23

Kaain Tion, kam na nebonebo mani karinea te UEA ae Atuami! E tituaraoi b'a E karokoa karaun te aumaiaki ma te aumeaang n taina.

Teb'ania 3:14

A bane n anene ni kukurei aomatan Iteraera ma Iuta. ma nanoia ni koaua

Tekaria 9:9

Kukurei ao takaarua aomata ni kabane i Ierutarem, E a tia n tokanikai ami uea, ao E a roko ni kawaringkami. E nanorinano ao E toka i aon te ati; ao E roko i aon bunin te aati.

Ioane 15:16

Kam aki rineai; ma I rineingkami, ao I bairei ami m'akuri, b'a kam na nako ni kariki uaa aika bati, ao a na aki mauna uaami; ma ngaia are ngkana iai te bae kam butiia iai Tamau n arau, ao E na anganingkami.

Ioane 16:22

Ao ai aromi naba: b'a kam nanokawaki ngkai, ma N na manga noringkami, ao ane a na kaonaki nanomi n te kim'areirei, ao akea temanna ae na anaa kim'areireimi mai roumi.

M'akuri 9:15

Ma E taku te UEA nakoina, “Ko na nako, b'a I a tia n rinea teuarei b'a e na m'akuri i buku: b'a e na tataekina arau ni kaotiotai nakoia aomata aika tuai n onimakina te Atua, ao nakoia uea ma te botannaomata ae Iteraera.

I-Ebeto 1:18

ngkai a kaotaki matan nanomi b'a kam aonga n ataia b'a tera te kaantaninga n ana weewete, tera te kab'aia ae bati ae kamimii arona, are E na anganiia ake a itiaki;

I-Ebeto 1:4

B'a i m'aini karikan aonnaba ao E a kaman rineira i bukina ngkai ti katiteuanaki ma Kristo, b'a ti aonga n itiaki ma n aki bareka i matana; ao n ana tangira,

Te Tua-Kaua 32:9

ma E kaawakina Iteraera te UEA.

Te Tua-Kaua 7:6

Iteraera, bon ana Aomata te UEA ae Atuami ngkami aika kam rineaki. A rangi ni m'aiti botannaomata n te aonnaba aei, ma E ti rinea Iteraera b'a ana Aomata aika bon Ana b'ai.

I-Biribi 3:3

B'a boni ngaira ma ngkami kaain te korotabonim'aneaki ni koaua, aika ti taromauria te Atua iroun Tamneina, ma ni kamoamoa irouni Kristo Iesu, ao ti aki onimakina te rab'ata,

2.I-Tetaronike 2:13

Ma e riai b'a ti na katituaraoa te Atua n taai nako i bukimi, taari, akana kam tangiraki iroun te Uea. I bukina b'a E a tia n rineingkami te Atua b'a moan aomata ake a ana kamaiuaki ni m'aakana iroun Tamneina are Raoiroi b'a kam aonga n Raoiroi, ao ni kaaki ami onimaki n te koaua.

Iakobo 2:5

Tariu aika kam tangiraki, kam na ongora: tiaki E rineia akana aki kaub'ai ni b'ain aon te aba te Atua b'a a na kau-onimaki, ao a na riki b'a taan abaaba n ueana are E atongnga n te taeka n akoi nakoia ake a tangiria?

1.Betero 2:9

Ma ngkami bon te botannaomata ae kam rineaki, ae ana ibonga te Uea, ae te botannaomata ae itiaki i matan te Atua, ae ana aomata te Atua, ae rineaki b'a e na kaotioti ana m'akuri aika kamimii Teuare weteingkami man te roo nakon ana oota ae kamimii.

Te Kaotioti 17:14

Ane a na buakana te Tiibuteteei, ao a na konaaki aoia iroun te Tiibuteteei ma raona ake a weteaki ma n rineaki ake a kakaonimaki, b'a kioina ngkai te Tiibuteteei bon aia Uea ueea ao aia King kiing.”