Taian Areru 106:34 - Te B'aib'ara

³⁴ A aki kamateia botannaomata n ai aron tuangaia iroun te UEA,

Taian Areru 106:34 ပူးပေါင်းရင်းမြစ်များ

2.Rongorongo 8:8

Ao e karaoia kaain Eta, kaain Amora, kaain Berite, kaain Iwa, ao kaain Iebuti ake a maeka i Iteraera b'a ana toro.

Warekaia Iteraera 33:52

ao kam na kakioia nako aomata ake a maeka ikekei. Kamaunai aia bouananti, ao urui aia baonikarea.

Te Tua-Kaua 7:16

Ngkana E buokingkami te UEA ni kataenikaiia ami kairiribai, ao kam na riai n tiringiia n aki manga nanoangaiia. Ao kam na aki m'ane ni manga taromauri atuaia.

Te Tua-Kaua 7:2

E na buokingkami te UEA ni kanakoia man te aba. Ao i mwiina kam na tiringiia n aki manga nanoangaiia teutana. Kam na aki karaoa te boraraoi n raoi ma ngaiia,

Iotua 15:63

Ao a uaia ni maeka aomatan Iuta ma I-Iebuti Ierutarem, ao n aki kona ni kakionakoia I-Iebuti mai Ierutarem. Ao anne bukina ae I-Iebuti a teimatoa ni maeka Ierutarem n reitaki ma aomatan Iuta.

Iotua 16:10

Ma aki kakioia nako kaain Kanaan ake a maeka i Ketere, ma ngaia are a bon tiku ni maeka kaain Kanaan i buakoia aomatan Eberaim man taai akekei ni karokoa boong aikai, ma a kam'akuraki ni m'akuri aika rawawata n ai aroia tooro.

Tani Motiki-taeka 1:21

A maeka kaain Iebuti i Ierutarem, ma a aki konaaki irouia te baronga are Beniamin ke n tauaki aia kaawa irouia. Ao bon anne bukina are a bon tiku naba ni maeka kaain Iebuti i Ierutarem i rarikiia kaain te baronga are Beniamin.

Tani Motiki-taeka 2:2

Ao kam berita naba b'a kam na aki boraraoakina te raoi ma botannaomata tabeua ake a maekana te aba. Ao i rarikin anne naba kam kariaia b'a kam na urui taiani baonikarea ake a anganga karea iai nakoia aia bouananti. Ma kam aki kaawakini ami berita.

1.Tamuera 15:3

“Naako buakaniia kaain Amareka! Kamaunaia ma aia b'ai ni kabane. Kam na bon aki nanoangaia naba teutana. Tiringiia m'aane, aine, ataei, n reitaki naba ma ake a uarereke. Tiringiia naba aia kao, aia tiibu, aia kamero, ao aia aati.”