Taian Areru 106:28 - Te B'aib'ara

²⁸ A ira taromauriani B'aara i Beore ao a kang karea ake a katauaki i bukiia atua ake akea te maiu i nanoia.

Taian Areru 106:28 ပူးပေါင်းရင်းမြစ်များ

Te Otinako 34:15

Kam na aki raorao ma aomata ake ikekei, b'a kam kaawa ni manga taromauri anti ma n iri buakon aia am'arake n angakarea.

Otea 9:10

Iteraera, ngke I kuneko ngkoa Ngai ae te UEA, ti te bo ma kunean te kureebe i nanon te rereua ae akea kain aona ke uaan te biiku aika a uarereke aika a kangkang. Ao i mwiina, ko taromauriia B'aara-Beora, te bouannanti ae rangi n ribaaki, ao ko bon kamamaaeko kaanga te bouannanti are ko tangiria.

Warekaia Iteraera 25:5

Ao e tuangiia aobitian Iteraera Moote ni kaangai, “Kam na tiringiia mm'aane ake a taromauriia B'aara.”

Warekaia Iteraera 31:16

Boni ngaiia naba aika ongotaeka nakon ana babaaire B'araam ao e kaoiia ara aomata b'a a na taromauriia te anti are B'aara Beore. Ao bon anne bukina ae katuaaira iai te UEA n tiringiia ara aomata aika m'aiti.

Te Tua-Kaua 32:17

Kam angakarea nakoia taimonio, ao bouananti aika akea bonganaia aika aki kona ni buokingkami, atua aika boou aika tuai man taromauriaki irouia ami bakatibu

Te Tua-Kaua 4:3

Kam bon noora aron tiringaia ni kabane ake a taromauria Baara Beora.

Iotua 22:17

Kam aki uringa ara bure nakon te UEA ngkoa i Beore are e katuuaira iai n te aoraki ae rangi ni kakamaaku, ao kam aki mwimwinikora? E bon tuai totoki raoi mwiin arei ao kam a manga moana naba ami aki ongotaeka?

Te Kaotioti 2:14

Ma iai b'aai tabeua aika I riai ni waeiko iai: b'a iai i roum ikekei aika toua mwin ana reirei B'araam, are reireia B'araka b'a e na kaaki te b'ai ni kab'akab'aka i mataia te botannaomata ae Iteraera b'a a aonga ni kang kareani bouananti, ma ni wene ni bure.