Taian Areru 105:8 - Te B'aib'ara

⁸ E aki toki n uringa ana boraraoi, E na bon aki kona ni m'aninga ana taeka nakoimi i nanon rooro ma rooro;

Taian Areru 105:8 ပူးပေါင်းရင်းမြစ်များ

Karikani B'aai 17:7

“N na kakawakina au Berita ma ngkoe, ao nakoia naba kanoam n rooro aika na roko b'a te boraraoi ae akea tokina. N na riki b'a Atuami, ao Atuaia naba ami bakatibu.

Karikani B'aai 26:3

Maeka ikai, ao N na memena iroum ma ni kakab'aiako. N na anganiko te aba aei ni kabutaa, ao nakoia naba am kariki. N na bon kakoroa bukin te berita are I karaoia ngkoa ma tamam are Aberaam.

1.Rongorongo 16:15

Ti na bon aki m'am'aninga ana boraraoi ao ana berita, ni karokoa ngaa n ririki.

Neemia 1:5

Te UEA ae Atuan karawa, Ko kakannato ao Ko maakaki. Ao Ko bon kaakakoroa bukin am berita nakoia aomata ni kabane akana a tangiriko ma n ongotaeka n am babaaire.

Taian Areru 105:42

B'a E uringa ana taeka are tabu nakon Aberaam are ana toro.

Taian Areru 106:45

E uringa ana boraraoi i bukiia, ao E bita nanona n nanoanga n ai aroni m'aitin ana ataataiaomata;

Taian Areru 111:5

E kareke kanaia akana karinea; E aki toki n ururinga ana boraraoi ma ngaia.

Taian Areru 111:9

E kainaomataia ana botannaomata, ao E karaoa ana boraraoi ma ngaiia ae teimatoa n aki toki. Moan te tabu Ngaia ao E korakora!

Te Otinako 2:24

ao E ongo tangiia ae e korakora te Atua. E aki m'aninga ana berita are E karaoia ma Aberaam, Itaaka, ao Iakob'a,

Ieremia 11:5

Ao i mwiina, I karaoa te b'ai are I a tia ni berita iai ao I anganiia te aba ae moan te tamaroa, ae ngaia ae kam a maeka i aona ngkai. Ao I kaeka ni kaangai, “Eng te UEA. E boni koaua anne.”

Taniera 9:4

I tataro nakon te UEA ae Atuau ao I kaoti aia bure au aomata. Ao I kaangai, “Te Atua ae te UEA, ko korakora, ao ti karineko. Ko kakaonimaki nakon am boraraoi ma ni kaota am tangira ae e teimatoa nakoia aika a tangiriko ma ni karaoa nanon am kaetieti.

Mika 7:20

Ko na kaota Am kakaonimaki ao Am tangira ae e teimatoa nakoia Am aomata, aika kanoaia Aberaam ao Iakob'a, n ai aron are Ko berita iai ngkoa nakoia ara bakatibu.

Te Tua-Kaua 7:12

Ngkana kam ongotaeka raoi nakon taian tua aikai, ao E na kakaonimaki te UEA ni kaawakin Ana boraraoi are karaoia ngkoa ma ngkami, n aron are E berita iai nakoia ami bakatibu.

Te Tua-Kaua 7:8

ma E a tia n rineingkami i bukina b'a E tangiringkami, ao i bukina naba b'a E a tia ni berita nakoia ami bakatibu. Ao i mwiina, E a manga kamaiungkami ni baina ae korakora mai Aikubita, are a karaoingkami b'a aia toro.

Te Tua-Kaua 7:9

Kam bon ataia b'a bon ti te Atua ni koaua te UEA ae Atuami. Ma ngaia are, kam na tangiria, ao ongotaeka nakon ana Tua, ao ane na kakaonimaki ni karaoa nanon ana Boraraoi ma ngkami ma kanoami i nanon tengaa te roro

Iotua 21:43

Ma ngaia are e anganiia aomatan Iteraera ni kabane abaia te UEA n aron are E a tia n taekinna n ana berita ae tabu nakoia aia bakatibu b'a E na anganiia. Ao a bon maekanna b'a ai bon abaia.