Taian Areru 104:24 - Te B'aib'ara

²⁴ Te UEA, ai batiraa am M'akuri! Ko a rabakau ra ni karaoi! A on aonnaba ni baika iai te maiu iai.

Taian Areru 104:24 ပူးပေါင်းရင်းမြစ်များ

Karikani B'aai 1:31

Ao E noori b'aai ni kabane te Atua ake E a tia ni kariki, b'a a raoiroi. E tairiki, ao e ngaina ao bon te kaonoua ni bong.

Neemia 9:6

Bon ti ngkoe te UEA, te Tia karaoa karawa ao taiani itoi ni kabane, te Tia karaoa te aonnaba ao ake a maeka i aona, te Tia karaoa marawa ao b'aai ake a maiu iai. Boni ngkoe boton te maiu, ae e neboaki irouia taian itoi aika a kaoni taiani karawa.

Iobi 5:9

Ti aki kona n atai b'aai aika ab'ab'aki aika E karaoi, ao bon akea tokin m'aitin Ana m'akuri aika kamimii.

Taian Areru 107:24

A noori ana m'akuri te UEA, ake baike a kamimii ake i marawa.

Taian Areru 107:31

A riai ni kamoamoa te UEA i bukin ana ataataiaomata, Ao i bukini baike a kamimii ake E a tia ni karaoi i bukiia.

Taian Areru 136:5

E karaoa karawa n rabakauna; b'a akea tokin ana Tangira.

Taian Areru 148:7

Kam na kamoamoa te UEA mai aonnaba, ngkami baika maiu aika kakamaaku i marawa ma ngkami aika marawa aika nano;

Taian Areru 24:1

Bon ana b'ai te UEA aaba nako, ma kanoaia; te aonnaba ma ake a maeka iai.

Taian Areru 40:5

Te UEA ae Atuara, a bati am M'akuri aika kamimii aika Ko karaoi i bukira: bon akea n ai arom! A bati am Iango aika kamimii i bukira; I aki konai n taekin ni kabane: A m'aiti riki nakon aika konaaki ni warekaki!

Taian Areru 65:11

Ai batiraa am Akoi ae noraki arona ni marin te aba ae Ko anga b'a e na taiaki! Iriani m'anangam bon te kab'aia ae bati n taabo ake Ko roko iai.

Taian Areru 8:3

Ngkana I tarataraa karawa are Ko a tia ni karaoia, ma nam'akaina ma itoi, ake Ko katikui ni nneia

Taian Areru 92:6

E aki kona n ataa aio te aomata ae nanobaba; E aki kona n oota iai te aomata ae aki wanawana:

Ieremia 10:12

Ko karaoa te aonnaba ao ko taakin taiani karawa ni wanawanam ao m'aakam.

I-Rom 11:33

Ai batiraa kaub'ain te Atua, ao ai nanora rabakauna ma ana atatai! Ai kangaanga ra ataakin ana moti, ao ai kangaanga ra kuneakin arona!

I-Ebeto 1:8

are E kabatia n akoira iai! B'a n te rabakau ni kabanea ma te ataib'ai,

I-Ebeto 3:10

b'a e aonga ni kaotaki n te ekaretia rabakaun te Atua ae a bati arona nakoia uea ma ake a korakora i karawa,

1.Timoteo 6:17

Ko na tuangiia akana kaub'ai ni b'ain te maiu aei, b'a a na tai kainikatonga ao a na tai onimakina te kaub'ai ae aki teimatoa; ma a na onimakina te Atua, ae kabane b'aai ni kabatiai n anganira b'a ti na kukurei iai.