Taian Areru 104:15 - Te B'aib'ara

¹⁵ Ma te wain i bukini kakukureian nanona, Ma te b'aa b'a e na kabira ubuna iai ni kamaraberabea, Ma te am'arake b'a e aonga ni marurung iai.

Taian Areru 104:15 ပူးပေါင်းရင်းမြစ်များ

Karikani B'aai 18:5

N na uota mai te am'arake teutana b'a kam aonga ni manga marurung i m'aain manga reitan nako kawaimi. Ke e butim'aeaki b'anaau ae mangori aei iroumi. Ao a kaeka, Ko rab'a; ti butim'aea nanom.

2.Tamuera 13:28

Ma e tuangiia ana taan m'akuri b'a a na kaaki mataia i aon Amnon. Ngkana e a reke angina teuana n te wain ma ni kukurei, ao N na anga te kanikina. Ao ngkami, kam a tiringnga naba! Boni Ngai ae I tuangkami b'a kam na karaoia, ma ngaia are, kam na aki maaku. Kam na korakora ao kam na ninikoria.”

Taian Areru 105:16

E karokoa te rongo i aon te aba te UEA, ni karokoa bon akea te am'arake.

Taian Areru 23:5

Ko katauraoa te baka ae ab'ab'aki ibuku ike a na norai iai taan ribaai. Ko butim'aeai b'a kanga te iruwa ngai ao ko kaona au m'angko ni karokoa e taonako.

Taian Areru 92:10

Ko a tia ni kakorakoraai b'a kanga ai aroni korakoran te kaom'aane ae aki manana; Ko a tia ni kakab'aiaai ngke Ko kakukureiai.

Taeka n Rabakau 31:6

E na ti kabonganaaki te manging ma te wain irouia akana a nang mate ke irouia aika akea nikiran aia kaantaninga.

Taeka n Rabakau 31:7

Kamooia b'a aonga ni m'aninga ma n aki namakina kainanoia ao rawawataia.

Te Minita 10:19

Ko na kukurei n te am'aam'arake ao te momooi, ao e konaa ni kabooi b'aai ni kabane aika ko tangiri te kamaraato.

Te Minita 8:1

Antai ae e tim'aati ni konaa ni kab'arab'arai b'aai ni kabane? E kaungaa nanom te wanawana ao e anganiko te matangare.

Te Minita 9:7

Kakukureingkami ao kamaiu nanomi n am'arake mani mooi! Bon aei te b'ai ae e a kaman baaireia te Atua b'a kam na riai ni karaoia.

Itaia 3:1

E nang uoti nako b'aai ni kabane te UEA ae Moan te M'aaka aika b'aai aika kam tangiri mai Ierutarem ao Iuta ami kariki ma ami ran,

Itaia 55:10

“E b'aka te karau ma te tinoo mai karawa. Ma a aki konaa n oki ngkana a aki teboka te aonnaba are e kariki taian Atiniberita i bukin bwebwen aroka ao te uita i bukin te am'arake.

Ieremia 31:12

A na roko Au aomata n te Maunga are Tion ma ni karaoa aia bootaki ni kukurei; a na oota moaia i bukin Au kakab'aia. N na anganiia te uita, te kureebe, ao b'aan te oriwa, ao ai uana naba ma taian tiibu ao taiani kao. A na teetekeraoi Iteraera ao a na rikirake kaanga te nne n aroka ae e m'aiti te ran iai.

Etekiera 14:13

Etekiera ae natin te aomata, ngkana tao e bure nako iu te botannaomata ae e b'anin, ao I katuaaia n urui arokaia ao ni kamateia kaaina b'a a na mate ni baki ma aia man.

Etekiera 4:16

Etekiera, a na akea kanaia Iteraera. A na rangi ni uarereke kanaia ma nimaia te ran n te aro are a na maaku ma n akea te b'ai ae a konaa.

Etekiera 5:16

N na urui arokami ni karokoa kam mate ni baki, ao e na oroingkami taiani kabuanib'ai kaanga taian kanoanikatebe.

Nakoaia Ibonga 26:26

E na aki bati kanami, n te aro ae tengaun aine a na kam'ai kanaia n ti teuana te ainumuum. Ngkami n tatabemaningkami nako a na tii reke kanami taamruru, ao ane kam na baki.

Tekaria 10:7

E na riki Iteraerab'a kaanga baronga ni buaka aika a karaoa aia bootaki ni kukurei n te wain. Ngkana a noora aei natiia, a na bon rangi ni kukurei naba ibuku Ngai ae te UEA.

Mareko 14:23

Ao E anaa te m'angko, ao ngke E a tia n tataro ni katituaraoi, ao E anganiia, ao a bane ni moi ni kanoana.

Ruka 7:46

Ko aki kabira atuu n te b'a, ma neiei e kabira waeu n te b'a.

I-Ebeto 5:18

Kam na tai manging, b'a ngaia ae na urua arom, ma kam na kaonaki n te Tamnei are Raoiroi.

Te Tua-Kaua 28:40

E ngae naba ngkana a maiu n aki akaaka arokami taian oriwa i nanon abami, ma ane a na b'aka uaan taian oriwa, ao e na bon aki reke naba te b'a teuana i bukin kabiran irami.

Te Tua-Kaua 8:3

ma ngaia are, E karaoingkami b'a kam na baki. Ao i mwiina E anganingkami te maana, te aekaki n am'arake ae a bon tuai man ongongo taekana ami bakatibu. E reireiningkami te UEA b'a a aki ti kainanoa te am'arake aomata i bukin maiuna--a kainanoa Ana taeka ni kabane te UEA ake E taekin.

Ebera 1:9

Ko tangira karaoan nanon te Atua, ao Ko riba riaoakin nanona. Ma ngaia ae E kabiriko te Atua, ae Atuam, ni b'an te kim'areirei b'a Ko aonga ni kim'areirei riki i aoia raom.”

1.Ioane 2:20

Kam a tia ni kabiraki iroun Teuare Moan te Raoiroi, ao kam atai b'aai ni kabane.

Tani Motiki-taeka 19:5

Ao ngke a bane n uti aomata n te kaa aua ni bong, ao e a katauraoia kanoan Rewi arei n okira mwengana. Ma e taku taman buuna nakoina, “Ko na aki nako ni karokoa ko tia n am'arake. Ko bon riai n am'arake n karekea korakoram i m'aain te m'ananga.”

Tani Motiki-taeka 9:13

Ma e taku te kureebe, A uota te kukurei au wain nakoia aomata ma taian atua. I aki kona ni katoka karaoan te wain ti i bukin kaburaan m'aangau i aoia aroka nako.

Tani Motiki-taeka 9:9

Ma e kaeka te oriwa ni kaangai, E uota te karinerine kabirau nakoia aomata ma atua N na aki kona ni katoka karaoan kabirau, b'a aonga m'aangau ni katiotioia i aoia aroka nako.