Taian Areru 104:1 - Te B'aib'ara

¹ N na karaoiroa te UEA ni maiu, te UEA ae Atuau, ai kakannato ra Ngkoe! am B'ai te karineaki ma te mimitong; kanga ai aron ae Ko kunnikaiko iai.

Taian Areru 104:1 ပူးပေါင်းရင်းမြစ်များ

Taian Areru 103:22

Karaoiroa te UEA, ngkami akana ana karikib'ai n taabo nako ike E tautaeka iai. N na karaoiroa te UEA ni maiu.

Taian Areru 104:35

A bia kamaunaki taani bure mai aon te aba; A bia akea aomata aika buakaka. Karaoiroa te UEA, tamneiu! Karaoiroa te UEA!

Taian Areru 145:3

E kakannato te UEA, ao E riai ni kabatiaki kamoamoana; Akea temanna ae ataa aroni kakannatona ni kabane.

Taian Areru 7:1

Te UEA ae Atuau, bon te tia kamanoai Ngkoe; Ko na kamaiuai mairouia taani kaeai ni kabaneia.

Taian Areru 93:1

E uea te UEA. E kunnikaia n niiniiran te uea, ao E korakora m'akana. E tiku raoi ni matoatoa ni nena aonnaba ao e aki kona ni kam'aingaki.

Taian Areru 95:3

B'a bon te Atua ae kakannato te UEA, ao E m'aaka i aoia atua ni kabaneia.

Taian Areru 96:6

Iai te karineaki ma te mimitong i Rouna, Ao te korakora ma te tamaroa n ana Tembora ae Tabu.

Itaia 59:17

Ana taanga te UEA bon te motiraoi; ao b'arana ni buaka bon te m'aaka ni kakamaiu; kunnikaina bon te un ma te irantaanga.

Ieremia 23:24

i karawa ao i aon te aonnaba. Bon akea taabo aika a raba aika kam na konaa ni karabaingkami mairou.

Taniera 7:9

Ngke I bon tabe ni mamataku, ao e katukaki te kaintoka ni motikitaeka ni nnena. Ao e tekateka i aona Teuare e maiu n akea tokina. A mainaina kunnikaina n ai aron te tinoo, ao irana kaanga ai aron buraen te tiibu ae e boou. E toka ana kai ni motikitaeka i aon wiira aika taian ai aika a ura,

Taniera 9:4

I tataro nakon te UEA ae Atuau ao I kaoti aia bure au aomata. Ao I kaangai, “Te Atua ae te UEA, ko korakora, ao ti karineko. Ko kakaonimaki nakon am boraraoi ma ni kaota am tangira ae e teimatoa nakoia aika a tangiriko ma ni karaoa nanon am kaetieti.

Ab'akuka 1:12

Te UEA, bon te Atua Ngkoe mangkoa. Bon te Atua Ngkoe ae ko tabu ae akea tokim te UEA, Atuau, ao otangau. Ko a tia n rinea B'aburon ma ni kakorakoraa b'a tabonibaim n oroira.