Taian Areru 103:21 - Te B'aib'ara

²¹ Karaoiroa te UEA, ngkami akana kam rangi ni m'aiti kurikuri Akana kam toro i rouna ma n ongeaba i rouna.

Taian Areru 103:21 ပူးပေါင်းရင်းမြစ်များ

Karikani B'aai 32:2

Ao ngke e nooriia, ao e taku, “Bon aio ana maeka te Atua.” Ma ngaia are, e arana te tabo arei b'a Maanaim.

1.Uea 22:19

Ao e taku Mikaia: Ongora n te b'ai aei. Ao I noora naba te UEA b'a E tekateka i aon ana kaintokanuea ma b'aai ni kabane aika a maiu i karawa b'a a bootaki ni katobibia.

2.Rongorongo 18:18

Ao e kaeka Mikaia: I a manga noora te UEA n tekateka i aon ana kaintokanuea ma b'aai ni kabane aika a maiu i karawa b'a a bootaki ni katobibia.

Neemia 9:6

Bon ti ngkoe te UEA, te Tia karaoa karawa ao taiani itoi ni kabane, te Tia karaoa te aonnaba ao ake a maeka i aona, te Tia karaoa marawa ao b'aai ake a maiu iai. Boni ngkoe boton te maiu, ae e neboaki irouia taian itoi aika a kaoni taiani karawa.

Taian Areru 104:4

Ko kabonganai aang b'a taan ua-rongorongo i bukim; Ao kiakianakon ootan te iti b'a am Tia m'akuri.

Taian Areru 33:6

A karaoaki taiani karawa ma b'aai nako ake a mena iai n ana taeka te UEA.

Taian Areru 68:17

E roko mai Tinai te Uea ma ana ka ni buaka aika m'aiti kurikuri aika katikitikaki irouia aoti, Ao E rin nako nanon te tabo are tabu.

Mataio 13:41

Ane E na kanakoia ana anera Natin te Aomata, ao a na botiia mai buakoia kaain ueana te koraki ake a riki b'a taani kab'akab'aka nakoia aomata, ao koraki ni kabane ake a kakaraoa ae buakaka;

Ruka 2:13

Ao a karina naba ni kaoti i rarikin te anera kaaini karawa aika rangi ni m'aiti. A kamoamoa te Atua, ao a kangai,

Ebera 1:14

Tiaki bon tamnei ni kabaneia anera, aika taani m'akuri aika kanakoaki b'a a na buokiia te koraki akana nang karekea te kamaiuaki?

Iotua 5:14

Ao e kaeka teuarei, “Tiaki ngai raomi ke aiami, ma bon mataniwiin ana taanga ni buaka te UEA.” Ao e b'aka nako aontano Iotua ma n taromauria ao e kangai, “Bon am toro ngai. Tera ae ko tangiria b'a N na karaoia?”