Taian Areru 103:20 - Te B'aib'ara

²⁰ Karaoiroa te UEA, ngkami aika anera aika kam korakora, Aika kam ongeaba nakon ana taeka ao kam ongora n te bae E taekinna.

Taian Areru 103:20 ပူးပေါင်းရင်းမြစ်များ

2.Uea 19:35

E kanakoa te anera te UEA n te tairiki naba arei nakon aia kaemb'a kaain Aturia, ao E tiringiia 185,000 mai buakoia. Ma ngaia are, e a wenerua taiani mate n te ingabong are i mwiina.

Taian Areru 148:2

Kam na kamoamoaa, ngkami akana ana anera ni kabaneingkami, akana ana taanga ni buaka i karawa.

Taian Areru 148:5

A na bane ni kamoamoa aran te UEA! B'a E karikiia n ana taeka;

Taian Areru 29:1

Kam na kamoamoa te UEA, ngkami aika kaaini karawa; kamoamoa i bukini m'akana ma mimitongina.

Taian Areru 78:25

A kang kanaia anera, A anganaki iroun te Atua b'aai ni bane ake a tangiri.

Itaia 6:2

Ao a kibakiba ietana b'aai aika a maiu aika a ura aika kakaoneai baiia ni kiba n tatabemaniia nako. A rabuni mataia ni baiia ni kiba ake uaai ao a rabun rab'ataia n ake uaai, ao a kamanenai baiia riki ake uaai ni kibakiba iai,

Taniera 11:1

Boni ngaia are e tabeakina buokau ma kaawakinau.

Ioera 2:11

E kairiia te taanga ni buaka aei te UEA ae te Atua ae e aki konaa ni warekaki, ao a ongotaeka nakon ana kaetieti. E rangi ni kakamaaku ana bong ni motikitaeka n te aro are akea ae e konaa moana.

Mataio 26:53

Ko taku b'a I aki kona ni butiia Tamau, ao E a kanakomaia ngkai naba taanga n anera aika raka m'aitiia i aon tengauni ma ua taanga?

Mataio 6:10

E na roko Ueam, E na tauaki am taeka i aonnaba n ai aron tauana i karawa.

Ruka 1:19

E kaeka te anera ao e taku, “Kabiriera ngai, ae ana tabonibai te Atua; ao I kanakomaiakaki b'a N na taetae nako im, ao b'a N na uota te rongorongo ae raoiroi aei nako im.

Ebera 1:14

Tiaki bon tamnei ni kabaneia anera, aika taani m'akuri aika kanakoaki b'a a na buokiia te koraki akana nang karekea te kamaiuaki?