Taian Areru 103:19 - Te B'aib'ara

¹⁹ E kaaki ana kaintokanuea te UEA i karawa; E uea i aoni b'aai ni kabane.

Taian Areru 103:19 ပူးပေါင်းရင်းမြစ်များ

1.Rongorongo 29:11

E korakora m'aakam, ao e noraki mimitongim n taabo ni kabane i karawa ao i aonaaba,

1.Rongorongo 29:12

ao ko tautaeka ma te m'aaka ao e tanoata taekam.

Taian Areru 11:4

E mena te UEA i nanon ana Tembora are tabu; ao e mena ana Kaintokanuea i karawa. E tarataraia aomata ni kabaneia n taabo nako, ao E atai baika a karaoi.

Taian Areru 115:3

E mena Atuara i karawa; ni karaoa ae E bon taku.

Taian Areru 2:4

E na ngarengare te Uea are tekateka i aon ana kaintokanuea i karawa, ni b'ainingareia botannaomata.

Taian Areru 47:2

B'a E kakamaaku te UEA are Moan te Rietaata; bon te uea ae kakannato, e tautaeka i aonnaba.

Taian Areru 9:7

Te UEA, Ko tautaeka n aki toki, ao Ko toka i aon am Kaintokanuea, i bukin te motikitaeka.

Itaia 66:1

E taku te UEA: Au kaintokanuea karawa ao nnen katokaniwaeu aonnaba. Tera te aekaki n auti ae ko na karaoia ibuku? E nga te tabo ae N na motirawa iai?

Taniera 4:17

Aio ana babaire te anera are e b'aina te tatauraoi. Ma ngaia are, a na bane aomata n ataia b'a E m'aaka te Atua ae moan te m'aaka i aon abanuean te aomata, ao E kona n angan ane E bon taku, n ai aroia aika rangi ni mangori.’

Taniera 4:25

Ko na kakioaki nako man te kaawa, ao ko na maeka ma maan aika a moaanti. Ko na kang uteute n ai aron te kao, ao ko na matu n te tabo ae e katawanang, n te aro are e na ruoniko te aoi, ao e na riki aei nakoim i nanon itiua te ririki. Ao ko na okira te Atua n tokina, ao ko na kakoaua b'a boni Ngaia ae E taua taekan ueaia aomata ni kabane, n te aro are E kona n anai ao ni manga anganiia tabem'aang ake E bon taku.

Taniera 7:14

E anganaki te kariaia, te karineaki, ao te m'aaka, b'a a na bane aomatan te botannaomata, reeti, ao taetae nako n toro i rouna. E na teimatoa m'aakana n aki toki, ao akea tokin ueana, ao e na bon aki kona n uruaki.

Ebera 8:1

Oin te kaantaninga ni baika ti taekin bon aei: b'a iai i roura te Ibonga ae Kakannato, are tekateka i angaatain ana kaintokanuea ae kakannato te Atua i karawa.

1.Betero 3:22

are nako karawa, ao E mena i angaatain te Atua, n tautaeka i aoia anera ma ake iai m'akaia ma aroia n tautaeka.