Taian Areru 102:28 - Te B'aib'ara

²⁸ A na maiu ma te rau natira, ao i aan am tararua a na kawakinaki raoi aia kariki iroum.

Taian Areru 102:28 ပူးပေါင်းရင်းမြစ်များ

Iobi 10:5

E koaua b'a e uarereke maium n ai arora?

Taian Areru 89:4

‘E na uea n aki toki temanna man am Kariki; N na kateimatoa te nakoa n uea n am Kariki n aki toki.’ ”

Itaia 41:4

Antai ae e kariki b'aai aikai? Antai ae e baairea aron te aomata? Boni Ngai! Bon te UEA Ngai. I mena ikekei ngke e moani karikaki b'aai; Ao N na manga mena naba iai ikekei n te toki.

Itaia 43:13

Bon te Atua Ngai ngkai ao n aki toki. Bon akea ae e konaa n rawei ngkami mai irou. ke n te tei i m'aain kawaiu.

Itaia 53:10

E motikia te UEA b'a e na karawaawataaki ana tia m'akuri b'a te karea i bukin kab'araan te bure ao te kaairua i bukiia tabem'aang. Ngkai e na maiu te tia m'akuri b'a e na nooria ake oin ana kariki. E karaoi b'aai ni kabane ake E a tia ni baaireaia te UEA.

Itaia 65:22

A na aki katei auti ao ni kaainaki irouia tekorakina; a na aki karaoi onaroka ao ni kanaki uaaia irouia tekorakina; b'a bongini maiun te aroka ai aron bongini maiuia au aomata, ao au aomata ake a rineaki a na maan aia tai ni kukurei ni m'am'akurin baiia.

Itaia 66:22

I berita naba b'a kam na teimatoa ni karikiia kanoami ao a na m'anuokinaki taekaia, kaanga ai aron karawa ae e boou ao te aonnaba ae e boou ae I a tia ni karikia are a na akea tokiia.

Maraki 3:6

Kanoan Iakob'a, bon te UEA Ngai ae Moan te M'aaka, ao I aki konaa ni bitaki. Bon anne bukina ngkai kam tuai man uotaki nako,

Te Tua-Kaua 32:39

Kam bon aki ataia? Bon ti Ngai te Atua; ao akea riki temanna; Bon Ngai ae I anaa te maiu ao I a manga kaokia. I katuaaingkami n te rawaawata. Ma N na kamaiungkami ngkai, ao bon akea ae kona ni katokai.