Taian Areru 100:5 - Te B'aib'ara

⁵ B'a e raoiroi te UEA, ao akea tokin ana ataataiaomata; Ao ai uana nako naba ana kakaonimaki nakon te rorona ma te rorona.

Taian Areru 100:5 ပူးပေါင်းရင်းမြစ်များ

1.Rongorongo 16:34

Neboa te UEA b'a e raoiroi nakoira, ao e aki konaa ni matebuaka ana tangira.

2.Rongorongo 5:13

Tebubua uangaun te ibonga aika a raoniia taani katangitang aikai, ao a katangi taian buu. A neboa te UEA ni katangi b'aini katangitang ma n anene: “E raoiroi te UEA, ao akea tokin ana tangira.” Ao e a karina naba ni kaonaki nanon te Tembora n te nang ngke a kiitana te tabo are moan te tabu ibonga.

Etira 3:11

A neboa te UEA, ao a anga aia kaaitau n aia anene tekorakina i mwiin tekorakina: E raoiroi te UEA, E teimatoa n aki toki Ana tangira nakon Iteraera. Ao a bane n takaarua aomata ni kabane ma n neboneboa te UEA i bukina ngkai e a moanaki te m'akuri i aon aan te Tembora.

Taian Areru 103:17

E teimatoa ana ataataiaomata te UEA nakoia akana karinea; Ao E teimatoa arona n raoiroi nakon te rorona ma te rorona

Taian Areru 106:1

Kam na kamoamoa te UEA! Katituaraoa te UEA, b'a E raoiroi: akea tokin ana atataiaomata.

Taian Areru 107:1

Kam na katituaraoa te UEA, b'a E raoiroi; Akea tokin ana ataataiaomata.

Taian Areru 107:15

A riai ni kamoamoa te UEA i bukin ana ataataiaomata, Ao i bukini baike a kamimii ake E karaoi i bukiia.

Taian Areru 107:22

A riai n angakarea ni katituaraoi, ao n anene ni kakatonga n tataekin ana m'akuri.

Taian Areru 107:8

A riai ni katituaraoa te UEA i bukin ana ataataiaomata, Ao i bukini baike a kamimii ake E a tia ni karaoi i bukiia.

Taian Areru 119:68

Ai raoiroira Ngkoe—Ko a akoi ra! reireiai am Tua.

Taian Areru 138:8

Ko na kakoroa bukin am kaantaninga i buku; te UEA, akea tokin am tangira. Ko na katia te m'akuri are Ko a tia ni moana karaoana.

Taian Areru 146:6

Ae karaoa karawa ma aonnaba ma marawa ma b'aai ni kabane akana mena iai. E korakora onimakinana.

Taian Areru 25:8

I bukina b'a E raoiroi te UEA, ao E eti; E reireiia taani bure te kawai ae a riai n iria.

Taian Areru 36:5

Te UEA, e rota karawa am Tangira ae teimatoa; ao e roti naang am Kakaonimaki.

Taian Areru 52:1

Ngkami aika aomata kam kona ni korakora, mani kainikatonga i bukin ami bure, ma E teimatoa onimakinan te Atua ni katoa bong

Taian Areru 85:10

A na uaia n reitaki te tangira ma te kakaonimaki; E na irab'ati te raoiroi ma te raoi.

Taian Areru 86:5

Te UEA, Ko raoiroi ao Ko kab'ab'arai buure; E bati am Tangira nakoia akana tataro nakoim ni kabaneia.

Ieremia 33:11

b'anaan te kukurei ao karongoaan taiani bootaki ni kukurei ma taiani baka ni mare. Ao ngkana a rin n au Tembora b'a a na anga karea i bukin kakukureiau, ao ko na ongo ae e kaangai irouia: “Ti neboiko, te UEA ae Moan te M'aaka! Ko karaoa ae e raoiroi nakoira, ao e bon aki konaa ni matebuaka Am tangira.” E na manga okira arona te aba ni kariki uaa.

Mika 7:20

Ko na kaota Am kakaonimaki ao Am tangira ae e teimatoa nakoia Am aomata, aika kanoaia Aberaam ao Iakob'a, n ai aron are Ko berita iai ngkoa nakoia ara bakatibu.

Naum 1:7

E raoiroi te UEA. E kamanoia Ana aomata n tain taiani kaangaanga. E kawakinia akana a rairaki nakoina.

Ruka 1:50

E nanoangaia aomata ake a karinea man te rorona nakon te rorona.

Te Tua-Kaua 7:9

Kam bon ataia b'a bon ti te Atua ni koaua te UEA ae Atuami. Ma ngaia are, kam na tangiria, ao ongotaeka nakon ana Tua, ao ane na kakaonimaki ni karaoa nanon ana Boraraoi ma ngkami ma kanoami i nanon tengaa te roro

Tito 1:2

i bukini kaantaningaan te maiu are aki toki, are E taku te Atua ngke a tuai ni karikaki b'aai, b'a E na angania aomata; ao bon te Atua Ngaia ae aki kona ni kewe,