Taian Areru 10:5 - Te B'aib'ara

⁵ E totokanikai n ana waaki nako; ma E aki kona n oota n aron te Atua ni momotikitaeka, e aki toki ni mamataurikiia ana kairiribai.

Taian Areru 10:5 ပူးပေါင်းရင်းမြစ်များ

Karikani B'aai 6:12

Ao E tarataraa te aonnaba te Atua, ao E nooria b'a e a rangi ni buakaka, b'a a bane ni maiuakina te maiu ae buakaka aomata ni kabane.

2.Tamuera 5:6

A maeka kaain Iebuti i Ierutarem, ao a kaira ana taanga ni buaka Tawita ni buakaniia. A aki kaantaningaia kaain Iebuti b'a e na konaa n rin, ma ngaia are, a taku nakoina, “Ko aki konaa n rin ikai! Ti konaa ni kakionakoko, e ngae ngkana ti mataki ke ti aki konaa n nakonako!”

1.Uea 20:13

Ao ni bon te tai naba arei ao e biri rake te burabeti nakon Aaba ao e taku, “I nooria b'a e rangi ni korakora ana taanga ni buaka Benatata. Ma E a tia te UEA ni berita b'a E na buokiko ni kataenikaiia n te bong aei. Ao ko na ataia ikanne b'a E bon baairei b'aai ni kabane te UEA.”

Iobi 24:23

E bon anganna te maiu raoi ti i nanon tabeua te tai, ma E bon tarataraia n taai nako.

Taian Areru 12:5

E kaangai te UEA, “N na teirake ngkai, b'a a karawaawataaki kainano ao a maraki taani b'ainikiriinaki. N na anganiia kamanoaia are a kaman tatangitangiria.”

Taian Areru 73:3

i bukin nanobwiu irouia ake a kainikatonga ngke I noori b'aai b'a a nako raoi i bukiia aomata aika buakaka.

Taeka n Rabakau 1:19

Te kaub'ai are ko karekea man te bure e na manga bon iraeiko mani maiumi.

Taeka n Rabakau 15:24

A ira te kawai akana a wanawana ni kabane are e waerake nakon te maiu ao e raroa nako man te mate.

Taeka n Rabakau 2:13

ake a onika karaoan te raoiroi ni manga maeka n te roo.

Taeka n Rabakau 2:15

Bon aomata ngaiia aika b'anga ni kewe, ao a bane ni b'aoua b'aai ni kabane aika a karaoi.

Taeka n Rabakau 24:1

Ko na tai mataaiakiniia taani m'am'anaa te aba ke n tangiria n riki b'a raoraoia.

Itaia 10:1

Kam a reke n te kangaanga aomata! Kam a tia ni karaoa te tua ni iowawa ae aki eti

Itaia 26:11

E mwemwe baim ao e tauraoi ni katuaaia, ma a aki nooria. Kamamaaia! Kaota korakoran nanom ni kaawakiniira ao karenakoia nako nanon te ai are a na kabuokaki iai am kairiribai nako.

Itaia 28:15

Tao kam taku b'a kam karaoa ami boraraoi ma te mate ao aia aonnaba maate? E aera ngkai kam onimakin ami kewe b'a kamaiuami man te kabuanib'ai ao te ieka ae e korakora?

Itaia 42:25

E a rangi ni un irouia ao e katuuaia ana botannaomata n taiani buaka aika a kabuebue. Ma a bon aki tabe iai. A bon aki naba tabe ngkana a katobibiaki ma n rootaki ni kabuebuen te ai.

Itaia 5:12

Iai taiani b'aini katangitang aika taiani karai i nanon tain ami mooi ni kukurei, n reitaki ma taian timbere ao taian kaib'ab'aa. Ma kam tuai man iangoi b'aai ni kabane aika e a tia ni karaoi te UEA,

Otea 14:9

Ngkana kam wanawana, kam na ataa nanon te b'ai ae I nanonna. Bon te UEA Ngai, ao I kairingkami n te kawai ae e eti. Ti na kaai n nakonako ngkana kam ongotaeka Irou, ma e na toki waemi ngkana kam buakaka.

Otea 9:9

Ko tiritiri ao ko akiako, n aroia m'anen Kibea. Ma E uringa ami bure te Atua, ao E na katuaaeko.

I-Rom 3:16

A urub'ai ao a kananoanga aomata i rouia n taabo nako ake a roko iai;

Tani Motiki-taeka 9:27

Ao e a roko tain taian uaan te kureebe, ao a bane nako kaain Tekem nakon aia nne n aroka ni kureebe ma ni kiniki uaan aia kureebe. A katikui aia kureebe n te tabo ni kamanti kureebe, ao a nakonako i aoia ni katinakoi raniia i bukin karaoan te wain. Ao i mwiina, a nako n rin n temboran atuaia ao a karaoa te bootaki n am'arake ae korakora. Ao a m'aiti ake a am'arake ma ni mooi, ao a karereantia Abimereka.

Tani Motiki-taeka 9:38

Ao e taku Tebura, Tera manenan am taeka ni kamoamoa? Bon temanna ngkoe ae ko taku b'a e aki riai Abimereka ni uea i aon Tekem. Ao arei te taanga ni buaka ake ko b'ainingareia.