Taian Areru 10:14 - Te B'aib'ara

¹⁴ Ko taratara; ao Ko noori kabuanib'ai ma kaangaanga nako ao Ko tauraoi ni buobuoki n taai nako. E mwioko iroum ane kananoanga; b'a Ko buobuoka ane akea tamana.

Taian Areru 10:14 ပူးပေါင်းရင်းမြစ်များ

Karikani B'aai 21:17

Ao E ongo te Atua tangin te ataei arei, ao E a taetae te anera mai karawa nakon Nei Aka, ao e taku, “Tera ae aki rau nanom iai Nei Aka? Tai maaku. E ongo tangin te ataei te Atua.

Karikani B'aai 31:12

ao E taku, ‘Nooria, a bane ni kakawaaki ma ni kiriroroo, ao ni matamata taiani kooti aine ake a iein. I karaoa aei i bukina b'a I noora te b'ai ae e karaoia Raab'an nako im.

2.Tamuera 16:12

Ma I taku b'a ngkana e ongo te UEA taeka ni kamaraia aikai ma n noora te kangaanga ae I a mena i nanona, ao I taku b'a E na bon nanoangaai ao N na aki maraia.

2.Uea 9:26

are ngai ma ngkoe are ti mena i akuun taman Ioram are Aaba, ao are E a kaangai naba te UEA nakon Aaba, ‘I noora kamatean Naabota ma natina m'aane ngkoananoa. Ao I berita nakoim b'a N na katuaaeko ni bon te tawaana naba aei.” Ma ngaia are, e tewenakoa rab'atan Ioram ikekei n aron are E a tia n tua te UEA.”

2.Rongorongo 24:22

Ao ngke e nang mate Tekaria ao e taku, “Bon au tataro b'a E noori baikai te UEA ao E na bon katuaaingkami ni kabane.”

2.Rongorongo 6:23

Ko na ongora mai karawa ao baaireia b'a antai ae e eti. Ao i mwiina, katuaaea te aomata are e reke n te bure ao kainaomata te aomata are bon akea ana bure.

Taian Areru 146:9

E kakawakiniia iruwa akana maeka i abara; E buokiia aine akana a mate buia, ma ataei akana a mate tamaia; Ma E katekebuakaia akana buakaka.

Taian Areru 22:11

Tai kararoako mairou! B'a e a kaan karawawataau, ao akea temanna ae na buokai.

Taian Areru 31:8

Ko aki anga ngai nako nanoni baiia taan ribaai; Ko a tia ni kainaomataai b'a N na nako ike I kan nako iai.

Taian Areru 35:22

Te UEA, Ko noori b'aai nako! Ma ngaia ae tai kainab'aabu. Tai kararoako!

Taian Areru 55:22

Ko na kaaki rawawatam i aon te UEA, ao E na buokiko; E na buokiia akana raoiroi b'a a na teimatoa.

Taian Areru 68:5

Te Atua, are maeka n ana Tembora are tabu, boni Ngaia ae tabeakiniia akana aki tabeakinaki irouia aia karo. Ngaia naba ae tei i bukiia aine akana mate buia.

Taian Areru 68:6

E kareke aia tabo ni maeka akana tiku n aki raoraonaki; Ao E kainaomataia buure man te karabuuti ao E kakab'aiaia; Ma a na maeka akana rawa ni kan aan-taeka n te tabo ae m'auteretere aona.

Te Otinako 2:25

ao i bukina naba ngke E ataa te b'ai ae e riki nako ia Ana aomata, ao E nanoangaiia.

Te Otinako 22:22

Kam na aki karaoa ae e aki raoiroi nakoia aine aika a mate buuia ke ataei aika akea aia karo.

Te Otinako 22:26

Ko na riai ni kaoka te kabaraaki are te kooti are ko anaia b'a te b'ai ni kakoaua i bukin te roun, ao ko riai ni waekoa ni kaokia nako ina i m'ain bungin taai,

Taeka n Rabakau 15:25

E uruaka mwengaia akana a kainikatonga te UEA, ma e kaawakin aia b'ai aine nako aika akea buuia.

Taeka n Rabakau 15:3

E noori b'aai ni kabane te UEA aika a raoiroi ma aika a buakaka.

Itaia 10:3

Ma tera ae kam nang karaoia ngkana kam buakanaki man katuaaeaki irouia ianena? Kam na biri ni kakaaea buokami ia? Kam na karabai ami b'ai aika a kakaawaki ia?

Ieremia 16:17

I konaa n noori b'aai ni kabane aika kam karaoi, e ngae ngkana kam karabai ami bure mairou.

Ieremia 23:24

i karawa ao i aon te aonnaba. Bon akea taabo aika a raba aika kam na konaa ni karabaingkami mairou.

Ieremia 49:11

Ma kam na katikuia ami ataei aika akea tamaia ao aine aika akea buuia.

Ieremia 51:56

E na buakana B'aburon kairiribai ma n urua. A na tauaki tautiana ao a na uruaki aia b'ai ni buaka, i bukina ngke bon te Atua Ngai ae I kaakaboo kai nako ia botannaomata nako n te b'ai are a karaoia.

B'aeb'aeti 3:59

Te UEA, Ko nooriia ngke a akiakonai, ma ngaia are, Ko na kaeti b'aai nako.

B'aeb'aeti 3:60

Ko bon atai aia iango ni kakam'arua nako iu.

Otea 14:3

E aki konaa ni kamaiura Aturia ao a aki konaa ni buokiira taiani kaa ni buaka. Ma ngaia are, ti riai n aki manga taromauri bouannanti aika ti a tia ni karaoi. Ara UEA, Ko a tia ni kaota te nanoanga nakoia ataei aika akea aia karo.”

Otea 14:4

Iteraera, kam a tia ni katinanikuai, ma e a toki uniu; N na kamaiungkami man tangiringkami n akea tiana.

Ioera 3:4

E aera ngkai kam karaoa aei ngkami aika kaain Turo ao Titon? Kam kataia ni karokoingkami Irou? N na kabooa mwiin ae ko karaoia i m'aain ae ko ataa te b'ai ae e na riki.

Ab'akuka 1:13

Ko aki kona n taraa te bure ma te buakaka. Ma ngaia are, tai tekateka ni kabuingoingo ngkai a kamaunaia aomata aika a raraoi riki nakoia.

Te Tua-Kaua 10:18

E teetei te UEA i bukiia ataei aika akea aia karo, ao aine aika a mate buuia. E kakawakiniia iruwa ma n anganganiia kanaia ao kunnikaia.

2.Timoteo 1:12

ao aei bukin ae I maraki iai i bukini baikai. Ma I aki mamaa, b'a I ata Teuare I onimakinna, ao I aki nanokokoraki b'a E boni kona ni kawakina te baere E a tia ni mwiokoai iai ni karokoa te bong arei.

Ebera 4:13

Bon akea te b'ai teuana ae karikaki ae na raba mai Rouna; ma a bane b'aai ni kakiaki rabunaia ma ni kaotaki raoi i matan Teuare Ngaia ae ti nangi taekin arora nako Ina.

1.Betero 4:19

Ma ngaia aei, b'a akana maraki, ngkai bon nanon te Atua i bukiia, ao a na mwiokoi maiuia n aroia ni karaoa ae e raoiroi iroun te Tia Karikiia ae kakaonimaki.

1.Betero 5:7

Kam na kaaki i aona baika kam raraomaeakin, b'a E tabeakiningkami.

Tani Motiki-taeka 1:7

ao e taku, “I a tia ni koroi waebuan baiia ma waeiia uea ake itingaun ma ni karaoia b'a a na kawakawa i aan au taibora i bukin kakaean kanaia. Ao ngkai E a kabooa mwiin aei te UEA nako iu.” Ao a kaira uean Beteka tautian Iuta nako Ierutarem, ike e a mate iai.