Taeka n Rabakau 8:17 - Te B'aib'ara

¹⁷ I tangiriia aomata ni kabane aika a tangirai, ao n na boni kuneaki irouia ni kabane akana ukoukorai ma te nano ni koaua.

Taeka n Rabakau 8:17 ပူးပေါင်းရင်းမြစ်များ

2.Rongorongo 34:3

Ngke ai tib'a tebwi ma onoua ana ririki ni maiu Iotia ao e a moana taromaurian te Atua, n aron are e a tia ni karaoia ana bakatibu are Tawita. Aua te ririki i mwiina, e a baaireia b'a e na urui baangotan te aba i Iuta ao i Ierutarem, ao ai uana naba ma taian boua aika a tabu i bukin taromaurian te anti te aine are Nei Atera ao bouanantin antiia ianena.

Taian Areru 91:14

E taku te Atua, “N na kamaiua akana tangirai, Ao N na kakawakiniia akana ataai b'a te UEA ngai.

Taeka n Rabakau 1:28

Kam na buubuti buokami mairou, ma N na bon aki kan ongo; kam na ukeuke, ma n na bon aki reke iroumi.

Taeka n Rabakau 2:4

Ukoukora te wanawana n ai aron kakaaean te tirewa ke te kaub'ai ae e karabaaki.

Taeka n Rabakau 2:5

Ao ane ko na ataa iai nanon te b'ai ae e nanonaki ni karinean ao ataakin te UEA ae te Atua.

Taeka n Rabakau 4:6

Ngkana ko tangira te wanawana ao ko na aki kaaki taekana, e na bon tararuaiko.

Taeka n Rabakau 8:16

A bane n tautaeka taani kairiiri aika a raoiroi i aan au buobuoki.

Te Minita 12:1

Ururinga am Tia Karikib'ai mangkai ko uarereke! Ane ko na kaangai n ririki aika a na roko ngkana ko taonaki n te kaangaanga, “Bon akea kukureiu n te maiu aei.”

Ana Anene Toromon 3:4

Bon i mwiin anne, ao e a reke irou. I taumatoaia ao I aki manga kanakoa, ao I kairiia ni karokoa ti roko n ana auti tinau.

Itaia 45:19

E aki taetae te UEA n taabo aika a roo aika a raba ke n tangiria kanoan Iakob'a b'a a na kua ni kakaaea. E na taekina te koaua te UEA ao aei te b'ai ae e taekinna

Itaia 55:6

Rairaki nakon te UEA! E boni konaa naba n reke. Weewetea te Atua! E kaan.

Mataio 6:33

Ma kam na ukoukora moa Uean te Atua ma ana raoiroi, ao E na karekei baikai ni kabane te Atua nako imi.

Mareko 10:14

Ngke E nora aei Iesu ao E rin, ao E taku nakoia ana reirei, “Kanakomaia ataei nako Iu, ao tai tukiia; b'a Uean te Atua bon aia b'ai ataei aika ai aroia aikai.

Ioane 14:21

“Ane iai i rouna au tua nako, ao e tou mwiia, ao e kaotia iai b'a e tangirai; ao ane tangirai ao e na tangiraki iroun Tamau, ao e na tangiraki naba irou, ao N na kaotai nakoina.”

Ioane 14:23

E kaekaa Iesu ao E taku, “Ngkana e tangirai te aomata, ao e na ongeaba nakon au taeka; e na tangiraki iroun Tamau, ao ti na nakoina ni maeka ma ngaia.

Ioane 16:27

b'a E bon tangiringkami te Tama i bukina ngke kam tangirai ao kam kakoauaa ae I nako mai mairoun te Atua.

Ioane 7:37

N te kabanea ni bong ae kakannato n tain te Toa are te Um'anrianna, ao E teirake Iesu, ao E kanenea b'anaana ni kaangai, “Ane kani mooi, ao ke e nako iu b'a e na moi!

Iakobo 1:5

Ngkana akea ana rabakau temanna i buakomi, ao e na butiia te Atua ae tituaraoi, ae kukurei n anganganiia aomata ni kabaneia, ao e na bon anganaki.

1.Ioane 4:19

Ti b'aina te tangira, i bukina b'a E tangirira moa.

1.Tamuera 2:30

Bon te UEA Ngai ae Atuaia Iteraera. I berita b'a n na teimatoa ni kariaia ami utu b'a a na m'akuri b'a ibonga, ma I tuangkami ngkai b'a bon akea riki te b'ai teuana ae I kona ni manga karaoia! I karineia aomata aika a karineai, ma I kamaraiaia akana a ribaai.