Taeka n Rabakau 7:2 - Te B'aib'ara

² Ongotaeka irou, ao ko na maiu! kariki au taeka n reirei b'a kaanga kaub'aim aika a rangi n kakannato.

Taeka n Rabakau 7:2 ပူးပေါင်းရင်းမြစ်များ

Taian Areru 119:144

A eti n aki toki am Taeka: Buokai b'a N na oota iai, ao N na maiu.

Taian Areru 17:8

Kawakinai n ai aroni kawakinan ataeini matam; karabaai i aan nuuni baim ni kiba.

Taeka n Rabakau 4:13

Baimatoa au reirei ao ko na aki kanakoi. E na bon anganiko kakaawakin te maiu aei.

Taeka n Rabakau 4:21

Ko na aki m'aninga naba au taeka teuana, ma kam na iaiangoi ni kabane.

Taeka n Rabakau 4:4

tamau nako iu: “Ngkana ko karaoa are I reireiniko ma ni kaawakin inanom, ao ko na maiu.

Itaia 55:3

Kakauongo raoi! Nakomai nako iu ao ko na maiu. N na berita nakoim i bukin te tangira ae akea tokina ao te kakaonimaki n aron are I berita iai naba nakon Tawita.

Ieremia 38:20

Ao I taku, “Ti ngkana ko ongotaeka i roun te UEA, ao ane a anga ngkoe kaain B'aburon nako ia taian Iutaia. Ane ko na kamaiuaki, ao a na nako raoi b'aai ni kabane nakoim.

Nakoaia Ibonga 18:5

Karaoi baika I karaoi ae kam noori, ao iri nanon au tua nako ake kam atai; ao ane kam na kawakin maiumi iai. Boni Ngai te UEA.

Tekaria 2:8

Ao i mwiin anne, e tuangai te UEA ae Moan te M'aaka ae e mimitong b'a N na taetae ni kaangai nakoia botannaomata ake a tia ni kurib'aia ma ni kimoaa Tion: E tamaroa Tion iroun te UEA ae kaanga matana. Ngkana iai te b'ai ae kam karaoia nakon Tion kam na boni karaoia naba nakoina.

Ioane 14:21

“Ane iai i rouna au tua nako, ao e tou mwiia, ao e kaotia iai b'a e tangirai; ao ane tangirai ao e na tangiraki iroun Tamau, ao e na tangiraki naba irou, ao N na kaotai nakoina.”

Ioane 15:14

Raou ngkami, ngkana kam karaoi baika I tuangngkami.

Te Tua-Kaua 32:10

Iteraera, E kuneingkami te UEA n te aba are e rereua are korakora iai te ang ae tangim'aaka. E riki te UEA b'a nonomi are kaawakiningkami kaanga ai aron kaawakinakin kanoani matana.

Te Kaotioti 22:14

A a kab'aia akana teboki aia kunnikai aika m'arairai, b'a e na reke nakoia te kona n roko n te kai ni maiu, ao te kona n rin nako i nanoni mataroan te kaawa, b'a a aonga n rin n te kaawa.