Taeka n Rabakau 6:26 - Te B'aib'ara

²⁶ Te aine ae e kabooa nako ana tangira e konaa ni kabooaki n ae e rangi ni uarereke ae kaanga boon te iriko. Ma te kareke tangira ma buun te m'aane temanna e na bon anai b'aai ni kabane mairoum.

Taeka n Rabakau 6:26 ပူးပေါင်းရင်းမြစ်များ

Ruka 15:30

Ma ngkae e a roko natim anne, ane bakataei am b'ai irouia kabekaau ao ko tiringa te kao te teei ae kamarikaaki i bukina.”

Taeka n Rabakau 29:3

Ngkana ko tangira te wanawana ao a na kukurei am karo, ma kaakawaraia aine aika a buakaka e na kabuai am b'ai ni kabane.

1.Tamuera 2:36

Ma ngkana iai ae tiku mai buakoia ami utu, ao e na roko ni kawara au ibonga ma ni bubutiia te m'ane ke te m'akoro ni kariki teutana. E na kona naba ni kaangai nakon au ibonga, “I butiiko b'a ko na karikai b'a te ibonga temanna, b'a e aonga n reke naba kanau teutana.”

Etekiera 13:18

Tuangiia b'a a reke n te kangaanga! A kabaei kunnikai aika a m'aaka i aon toun baiia ao i toan ram'aia, ma ni keweia aomata b'a aongkoa a konaa n tuangiia aomata kanoan aia bong aika a na roko. A na bon aki nako man tataekinan taiani kewe aikai.

Etekiera 13:8

Ma ngaia ae N nang katuaaia burabeti aika a b'anga ni kewe aikai i bukin burebureaia Iteraera n aia rongorongo aika a kaairua.

Taeka n Rabakau 29:8

Kakanikoaia tem'angina boni kaanga te kia are e kaura te kaawa ae e buubura; kabonganaan te iangoraoi e konaa ni kanakoa uran te maraki n nano.

Taeka n Rabakau 7:23

ao e tiringaki n taian kanoanikatebe. Ti te bo arona ma te mannikiba ae kawaekoaa nakon te kainikab'aru, ma n aki ataia b'a e na kabuanib'ai maiuna iai.

Taeka n Rabakau 5:10

A na anaa am m'ane iruwa ma b'aai ni kabane ake ko a tia ni m'akuri i bukiia.

Karikani B'aai 39:14

ao e wetea ana toro, ao e taku nakoina, “Noora te b'ai aei. E a tia ni karaoa te m'akuri ae buakaka nako ira te Ebera are e kabooa kaainabau. E rin nako i nanon au ru, ao e kataia n tauai, ma I kabanea takaaruau.

Taeka n Rabakau 5:9

Ane e na mauna karineam ao n tokina ko na bae irouia tabeman aomata aika a iowawa ni kabane bongin maium.

Taeka n Rabakau 6:27

Ngkana ko uouota te kooro ae e ura, ao ane e na kabuoka kunnikaim;

Taeka n Rabakau 23:28

a tatauraoi nakon buakanakim kaanga aroia te koraki ni kimoa n raweia konaia temanna i mwiin temanna.

Karikani B'aai 39:7

Ao i mwiin tabeua te tai, ao e a tataana Ioteb'a buun ana toka, ao e a butiia b'a e na wene ma ngaia.