Taeka n Rabakau 6:23 - Te B'aib'ara

²³ Bon te taura ana Tua te UEA, ao e oota n raaitiiti ana reirei. Te kaetaki ma tauan aromi i bon iroum boni ngaia are e na kairiko nakon te maiu.

Taeka n Rabakau 6:23 ပူးပေါင်းရင်းမြစ်များ

Karikani B'aai 39:8

Ma e rawa, ao e taku nakoina, “Nooria, akea te b'ai ae katabea nanona iai au toka ni b'ain ana auti ni kabane, i bukina ngkai I mena ikai. E a tia ni mwiokoai n ana b'ai ni kabane.

Taian Areru 119:105

E riki am Taeka b'a kanga te taura ni kaota kawaiu n nakonako.

Taian Areru 119:130

E karekea ootan nanoia akana bangab'ai am Taeka, Ao e kawanawanaia naba.

Taian Areru 141:5

E kona n oreai te aomata ae e raoiroi ma ni boaai i bukin nanona ni kan akoi, Ma I bon aki kona ni kariaia karineau mairouia akana buakaka, i bukina b'a I aki toki n tatataro b'a a na ekakinako aia m'akuri aika bubuaka.

Taian Areru 19:8

A koaua ana taeka n reirei te UEA, Ao a kab'aia ake a iri nanoia. E aki bangaomata ana taeka n reirei te UEA, Ao e karekea te atatai nakoia aomata.

Taeka n Rabakau 10:17

Kariaia boaakimi, ao ane kam na kunea te maiu; ngkana kam aki kariaia boaakimi, ao ane kam na tibanako man te kawai.

Taeka n Rabakau 15:24

A ira te kawai akana a wanawana ni kabane are e waerake nakon te maiu ao e raroa nako man te mate.

Taeka n Rabakau 15:31

E raoiroi te kaetaki ae e kamarurung, ao ngkana kam kariaia, ao kam na wanawana.

Taeka n Rabakau 29:15

Kaetiia am ataei, ao ane a na wanawana; ataei aika a aki konaa ni kairaki a bon kamamaaia tinaia.

Taeka n Rabakau 3:18

Bon te aroka ae e anga te maiu te wanawana, bon te tabo ike e nako mai iai te kukurei i bukiia ni kabane akana a taumatoaia.

Taeka n Rabakau 4:13

Baimatoa au reirei ao ko na aki kanakoi. E na bon anganiko kakaawakin te maiu aei.

Taeka n Rabakau 4:4

tamau nako iu: “Ngkana ko karaoa are I reireiniko ma ni kaawakin inanom, ao ko na maiu.

Taeka n Rabakau 5:12

ma n takaarua, “I ribaai taeka n reirei ma kaetakiu!

Te Minita 7:26

Aei mwiin te b'ai ae I kunea: E buakaka riki te aine ae e kam'araa nakon te mate. Bon te b'ai ni kam'ane ngaia, ae e kaaenakoa rab'atana ma nanona n raweiko. Ma ngkana ko ongotaeka iroun te Atua, ao ko na konaa ni biri nako mai rouna. Ngkana ko aki ongotaeka, ao e a tia ikanne.

Te Minita 7:5

E raoiroi riki te kaetaki mani b'anaan ae e wanawana nakon te tabekaki ni b'anaan ae e nanobaba.

Itaia 8:20

b'a tera ae e na karaoia.” Bon akea mai buakoia aika a konaa n taetae n aron anne ae e na maiu ma n noora ootan te bong!

Ieremia 21:8

Ao i mwiina, I tuangiia te b'ai are E taekinna te UEA: Kaain Ierutarem, boni Ngai ae te UEA ae I anganingkami b'a kam na rinea are kam tangiria b'a te maiu ke te mate.

Etekiera 20:11

I anganiia au Tua ma au Reirei, b'a a aonga n ataa aron maiuia ae e raoiroi.

Nakoaia Ibonga 19:17

Tai tab'ara ni karaoa te kaetieti ae bon riai. E ngae n anne, ao e bure ngkana e aki kaetaki te aomata ane e bon tangira kaetana.

2.Betero 1:19

Ma ngaia ae ti aki nanokokoraki riki n te rongorongo are a taekinna burabeti. E raoiroi iroumi b'a kam na ongo iai, i bukina b'a ai aron te taura ae ura n te tabo ae roo ni karokoa ae e nang oti taai ao e oota te itoi ni ngaina i nanomi.

Te Kaotioti 2:5

Ma ngaia ae ko na uringa te aro are ko b'aka mai iai, ao ko na raira nanom, ao karaoi m'akuri ake ko karaoi ngke ko moa n riki b'a te Kristian; ao ngkana ko aki, ao ae N na nako im, ao N na uota nako am kain-tei n taura mani nena.