Taeka n Rabakau 6:17 - Te B'aib'ara

¹⁷ Aomata aika a kainikatonga ke ni b'anga ni kewe ke n tiriaomata,

Taeka n Rabakau 6:17 ပူးပေါင်းရင်းမြစ်များ

Taeka n Rabakau 12:22

E ribaia taani kewe ni kabane te UEA ma bon raoraoia aomata ni kabane aika a onimakinaki.

Itaia 1:15

“E aoria ngkana tao ai iraua ami tataro, N na bon aki kan ongo. Kam a rangi n akiako.

Taian Areru 101:5

N na kamaunaa ane wirikiriki ni winantia raona; N na aki raoraona ane mata ni karietata ao e kainikatonga.

Taian Areru 5:6

Ko kamaunaiia taani kewekewe Ko ribaa te tiritiri, ao te tia kam'anea te aba.

Itaia 3:9

Taraan moamoami e oti iai b'a ti te bo ami bure ma kaain Tootom, ao kam aki kataia ni karabaa. Kam a reke n te kaangaanga, ao kam a bon tia ni katokai i aomi ni kabane.

Taeka n Rabakau 21:4

A kainikatonga aomata aika a buakaka ao a kamoamoa, ma bon akea riki arokaia ae a unikia i rarikin te bure.

Ioane 8:44

Natin tamami are te riaboro ngkami, ao nanomi ti te kani karaoa are e tangiria tamami. Te tia kamaamate ngaia ma rimoa, ao e aki b'ab'aina te koaua, b'a akea te koaua i nanona. Ngkana e kewe, ao e boni kaota anuana: b'a te tia kewe ngaia, ao boton te kewe.

Itaia 3:16

E taku te UEA: A kamoamoa ainen Ierutarem ao a aiwaa n aki akaaka, ma ni kamatararaoia. A karin i waeia b'aai aika a kekekeke ni katika mataia aomata n te kawai are a nakonako iai.

Taeka n Rabakau 26:28

Tarataraia raoi akana a tataekina te kewe ma te karang a otinako b'a a na raweiko.

Taian Areru 18:27

Ko kamaiuia akana mangori, ao Ko kamangoria akana kainikatonga.

2.Uea 24:4

ma ni karika mateia aomata aika a m'aiti aika akea aia bure. E na bon aki kab'ara te bure aei te UEA.

Te Tua-Kaua 19:10

Kam na bon kainanoi baikanne, ma ngaia are, a na aki tiringaki aomata aika bon akea aia bure i aon abami ngkana a tabe ni kaei Kaawa ni Kamauri. Kam na bure n tiriaomata ngkana a mate aomata aika akea aia bure i bukina ngke kam aki karekei kaawa ni Kamauri n te aba are E a anganingkami te UEA ae Atuami.

Itaia 2:11

Ngkana e roko te UEA, ao a na kananorinanoaki aomata ngkoa ake a kamoamoa, ao e na neboaki te UEA n ti ngaia.

Taeka n Rabakau 30:13

Ao tabeman a kainikatonga ao a karaoi aia m'akuri taani kamoamoa;

Taeka n Rabakau 14:5

E taekina te koaua te tia kakoaua ae e raoiroi; ma bon akea te b'ai ae e taekinna b'a ti te kewe te tia kakoaua ae e buakaka.

Taian Areru 31:18

Kaini wiia taani kewekewe, ake a taetae ni kainikatonga n taku b'a akea manenaia aomata aika raoiroi.

Te Kaotioti 22:15

Taani mena i tinanikun te nono bon te koraki aika baba n tangira te kammaira ma te wene ni bure; ao raoia bon taan tabunea, ma taani kamateia aomata, ma taan taromauri bouananti, ma akana tatangira taekinan te kewe ma karaoana naba.

1.Betero 5:5

Ao i bukimi ngkami aika kam ataei riki: kam na aan-taeka irouia unimm'aane. Ao kam na b'aina te nanorinano n aromi n i torotoro iroumi; b'a e kaangai te B'aib'ara: “B'a E ekianako akana kainikatonga te Atua, ao E akoia akana nanorinano.”

Taeka n Rabakau 17:7

E taraa n nanobaba te taetae ae e iangoaki raoi iroun te nanobaba, ma e a rangi n buakaka riki ngkana e b'aina te kewe te tia tautaeka.

Taeka n Rabakau 1:11

ngkana a kaangai, “Nakomai! Ti a katea ara kaeng ao ti a tiringiia aomata b'a ti na ngare iai!

Taian Areru 131:1

Te UEA, I a tia ni kaaki kainikatongau, ao I toki man arou ni kamoamoa. I aki katabeai ma taekani baika kakannato ke baika kamimii nako iu.

Taian Areru 10:4

E aki kan reitaki teutana ma te Atua te aomata ae buakaka; E taku n ana iango b'a akea te Atua.

Taeka n Rabakau 1:16

A rangi ni waekoakoa nakon karaoan te bure, ni karokoa naba bon te tiritiri.

Taeka n Rabakau 6:16

Bon iai onoua ke itiua aekakiia aomata aika e ribaia te UEA:

Taeka n Rabakau 28:17

Tai buokiia taan tiriaomata! Katikuia ni bon aia waaki ni kabane bongin maiuia.

Ieremia 26:15

Ma ngkana kam kamateai, ao a na bane n reke kaain Ierutarem n te bure n tiringa te aomata ae akea ana bure, i bukina b'a bon mai roun te UEA b'aai ni kabane aika I taekin.

2.Uea 21:16

E bure Manate ngkai e karekeia kaain Iuta n te bure ao te aki ongotaeka nakon te UEA. E rawa naba ni kamaiuia aomata aika akea aia bure. A m'aiti aika bon akea aia bure ake e kariaia naba tiringakiia, ao e a on kawain nanon Ierutarem raraaia.

Taian Areru 5:7

Ma i bukin batin am Tangira, ao I a kona n roko n am Auti; ao n taromauri n am Tembora are Tabu ma ni boobaraaki ni karineko.

Taeka n Rabakau 16:5

E aki tangira te aomata te UEA ae e rangi ni kainikatonga.