Taeka n Rabakau 6:16 - Te B'aib'ara

¹⁶ Bon iai onoua ke itiua aekakiia aomata aika e ribaia te UEA:

Taeka n Rabakau 6:16 ပူးပေါင်းရင်းမြစ်များ

2.Uea 21:16

E bure Manate ngkai e karekeia kaain Iuta n te bure ao te aki ongotaeka nakon te UEA. E rawa naba ni kamaiuia aomata aika akea aia bure. A m'aiti aika bon akea aia bure ake e kariaia naba tiringakiia, ao e a on kawain nanon Ierutarem raraaia.

Iobi 5:19

E na kamaiuko te Atua man te b'ai ae kamamate n te tai teuana ma teuana.

Taian Areru 11:5

E neneri aroia aomata aika raoiroi ma aika buakaka; ao E ribaia taani kakiriwe ma nanona ni koaua.

Taian Areru 5:7

Ma i bukin batin am Tangira, ao I a kona n roko n am Auti; ao n taromauri n am Tembora are Tabu ma ni boobaraaki ni karineko.

Taeka n Rabakau 11:1

E ribaia aomata nako te UEA aika a b'anganikewe, ma e tangiriia aomata aika a b'ab'aina te koaua.

Taeka n Rabakau 11:20

E ribaia aomata aika a uaraoia aomata UEA, ma e tangiriia aomata nako akana a maiuakina te raoiroi.

Taeka n Rabakau 12:22

E ribaia taani kewe ni kabane te UEA ma bon raoraoia aomata ni kabane aika a onimakinaki.

Taeka n Rabakau 17:15

E aki tangiria aika a kamaiuia taani bure te UEA ke ni kabuakakaia aika akea aia bure.

Taeka n Rabakau 20:10

Uoua b'aai aika e ribai te UEA b'a te kainikatine ae e kewe ao te kai ni baaire ae e kewe.

Taeka n Rabakau 20:23

E ribaai taian kainikatine aika a aki eti ao taian rawaawata aika a aki eti te UEA. Ma ngaia ae, tai baabakanikawai!

Taeka n Rabakau 21:4

A kainikatonga aomata aika a buakaka ao a kamoamoa, ma bon akea riki arokaia ae a unikia i rarikin te bure.

Taeka n Rabakau 3:32

E aki tangiriia aomata te UEA aika a karaoa ae e buakaka, ma e karikiia aomata aika raoiroi b'a raaraona.

Taeka n Rabakau 30:18

Boni iai b'aai aika tenua ke aua aika I aki ataia:

Taeka n Rabakau 30:21

Bon iai b'aai aika tenua ke aua aika e karurua te aonnaba aika a aki konaaki moaia:

Taeka n Rabakau 30:24

Bon iai b'aai aika a uarereke n te aonnaba aei ma a wanawana:

Taeka n Rabakau 30:29

Iai teniman maan aika a tamaroa nakonakoia:

Taeka n Rabakau 6:15

Ma ane a na oreaki n taian kabuanib'ai aika a karina ao ane a na tiku n akea aia kaantaninga.

Taeka n Rabakau 6:17

Aomata aika a kainikatonga ke ni b'anga ni kewe ke n tiriaomata,

Taeka n Rabakau 8:13

Ngkana ko karinea te UEA, ao ko na ribaa te buakaka. I ribaa te kamoamoa ao te kainikatonga ao te kewe ni kam'aam'ane.

Ieremia 26:15

Ma ngkana kam kamateai, ao a na bane n reke kaain Ierutarem n te bure n tiringa te aomata ae akea ana bure, i bukina b'a bon mai roun te UEA b'aai ni kabane aika I taekin.

Amota 1:11

E taku te UEA “A teimatoa ni kakaraoa te bure kain Etom, ao N na bon katuaaia i bukin aei. Aki toki n ririmwiia aia utu, Iteraera, ao a kaota te aki nanoanga. Ngkana a un e bon kanganga tokina, ao aki kona ni kakerikaka uniia.

Amota 1:3

E taku te UEA, “A teimatoa ni kakaraoa te bure kain Taamateko ao N na bon katuaaia i bukin aei. A karaoa te m'akuri n iowawa nakoia kaain Kireata.

Amota 1:6

E taku te UEA “A teimatoa ni kakaraoa te bure kain Kata, ao N na bon katuaaia i bukin aei. A tia ni uotia nako au botannaomata man kabooia nakoia I-Etom b'a tooro.

Amota 1:9

E taku te UEA “A teimatoa ni kakaraoa te bure kain Turo, ao N na bon katuaaia i bukin aei. A uotiia nako botannaomata nakon te kataenikaiaki nako abaia I-Etom, ao aki kawakina te berita n iraorao are a tia ni karaoia i marenaia.

Amota 2:1

E taku te UEA, “A teimatoa ni kakaraoa te bure kain Moaba, ao N na bon katuaaia i bukin aei. A tia ni kamatauninga riia uean Etom, ngke a kabuoki ni kamannangii.

Amota 2:4

E taku te UEA, “A teimatoa ni kakaraoa te bure kain Iuta ao N na bon katuaaia i bukin aei. A tia ni katinanikua au reirei, man aki kawakin au mwioko. A manga okira aroia aia bakatibu n taromauria antiia.

Amota 2:6

E taku te UEA, “A teimatoa ni kakaraoa te bure Iteraera, ao N na bon katuaaia i bukin aei. A kabooia nako aomata aika aki kona ni kab'arai aia tarau, aomata aika a kainano aika aki koro boon aia kauniwae.

Tekaria 8:17

Kam na bon aki naba iangoi iango aika buakaka i marenami n tatabemaningkami ke n taekina te kewe ngkana kam berita. I ribaai baikai Ngai ae te UEA.

Te Tua-Kaua 23:18

Te UEA ae Atuami, E bon rangi n ribaia m'aane ma aine aika karaoi aekaki ni m'akuri aikai, ao E na bon aki butim'aai aia b'aintangira, e ngae ngkana E a tia ni berita nakoia.

Te Tua-Kaua 24:4

Ao ngkai e a tia ni wene ma buuna are ana kauaei, ao e aki riai ni manga okira moan buuna ni mare ma ngaia. E na riki aia mare b'a kam'araean te aba are a tia n anganiira te UEA ae Atuara, ao E na bon rangi n ribaaki iroun te UEA.

Te Tua-Kaua 25:16

Ma e na bon rangi n ribaia aomata akana karaoa ae aki riai ma n aki nanoanga nakoia aomata te UEA.

Te Kaotioti 21:27

Ao e na bon aki kona n rin i nanona te b'ai ae kam'ara, ke ane e karaoa ae riai ni bati n ribaaki ma ni b'ab'aina te kewe; ma a na rin iai ti te koraki ake a tia ni m'akoro araia ni bokin te maiu are ana b'ai te Tiibuteteei.