Taeka n Rabakau 5:4 - Te B'aib'ara

⁴ Ma b'aai ni kabane akana ko karekei man reitakim ma ngaia bon taian boitin aika a maai ao taiani kammaraki.

Taeka n Rabakau 5:4 ပူးပေါင်းရင်းမြစ်များ

Taian Areru 55:21

A maranran riki ana taeka nakon te kuriim Ma e raba te riribai i nanona; A maraurau riki ana taeka nakoni marauraun te oera, Ma a korokoro n ai aroni kabaang aika kakang wiia.

Taian Areru 57:4

A otab'aniniai taan ribaai aika ai aroia raian aika kaakang aomata; Wiia ai aroni kaai ni katebe ma kanoaia, ao neweia ai aroni kabaang aika kakang rewarewa.

Taeka n Rabakau 9:18

A aki ataa te b'ai are e taekinna te Nanobaba koraki ake a ongora i rouna b'a kaanga ai aron raoiroia maate ana iruwa nako.

Te Minita 7:26

Aei mwiin te b'ai ae I kunea: E buakaka riki te aine ae e kam'araa nakon te mate. Bon te b'ai ni kam'ane ngaia, ae e kaaenakoa rab'atana ma nanona n raweiko. Ma ngkana ko ongotaeka iroun te Atua, ao ko na konaa ni biri nako mai rouna. Ngkana ko aki ongotaeka, ao e a tia ikanne.

Ebera 4:12

B'a e maiu ana taeka te Atua, ao e m'am'akuri ao e kakang riki nakoni kabaang aika uaitera wiia ni kabane, ao e ewara nako te aomata nakon te tabo are a kaitibo iai te maiu ma te tamnei, ao taian toma n ri ma kanoan ri; ao e atai raoi ana iango te nano ma baika riki iai.