Taeka n Rabakau 4:23 - Te B'aib'ara

²³ Karaua raoi kaawakin am iango b'a bon anne boton te maiu ni koaua.

Taeka n Rabakau 4:23 ပူးပေါင်းရင်းမြစ်များ

2.Uea 10:31

Ma e aki kakaonimaki Ieu nakon ana Kaetieti te UEA ae Atuan Iteraera. B'a e a manga teimatoa ni karaoi b'aai ake e karaoi naba Ieroboam are e kairiia iai Iteraera nakoni karaoan te bure.

Taeka n Rabakau 11:16

E na karineaki te aine ae e kakukurei, ma e na riai ni m'akuri korakora te m'aane i bukin karekean kaub'aina.

Taeka n Rabakau 13:3

Kaawakina te b'ai ae kam ataia i bon iroumi, ao kam na maiu; te b'arantiko, e na bon urua arom.

Taeka n Rabakau 16:17

E tuuki kawai aika a buakaka ana aomata te Atua, ao a kaawakiniia n tarataraa raoi kawaia are a nako iai.

Taeka n Rabakau 22:5

E m'ananga i nanon te kawai te aomata ae te tia kewe ao e onrake n taiani b'ai ni kam'ane aika a kateketeke. Kararoako mai iai!

Taeka n Rabakau 23:19

Kakaauongo raoi irou, natiu! Kawanawanaingkami ao kaiangoraoingkami n ira te kawai ae e eti.

Taeka n Rabakau 28:26

Bon ti nanobaba aika a onimakin aia iango n ti ngaiia, ma ngkana ko maiu ni wanawana, ao ko na karaoa ae te raoiroi ni kabane.

Taeka n Rabakau 3:21

Natiu, kamanena am iango ao ana babaaire nanom ae e raoiroi! Kaawakinna inanom n taai nako.

Taeka n Rabakau 4:7

Te kabanea n tamaroa i bukin te Wanawana bon te Wanawana n ti ngaia; e rangi n tamaroa riki te iangoraoi nakon b'aai riki tabeua.

Te Minita 5:13

I a tia n noora te b'ai ae e rangi ni kaairua. A kaub'ai aomata, ma bon akea raoiroina nakoia.

Ieremia 17:9

Kam rangi ni kam'aam'ane ngkami aika kaain Iuta n te aro are kam a manga bon kananobabaingkami i bon iroumi, ao kam aki konaa ni bitaki.

Mataio 15:18

Ma te b'ai ae nako man te wii e nako man te nano, ao boni ngaia ae kam'araea te aomata.

Mataio 15:19

B'a a nako man te nano iango aika buakaka aika kaira te aomata b'a e na tiritiri, e na wene ni bure ma te ainenum'a, e na wene ni bure ma te aine ae akea buuna, e na iraa, e na bukibuki ni kewe, ao e na taekini baika aki raraoi b'a taekaia aomata tem'angina.

Mareko 14:38

Kam na kamarurungngkami n tantani ao tataro b'a kam na aki b'aka n tain te kariri: e konamaki te tamnei, ma e mamara te rab'ata.”

Ruka 6:45

E kaoti baika raraoi te aomata ae raoiroi mani b'ain nanona aika raraoi; ao e kaoti baika bubuaka te aomata ae buakaka mani b'ain nanona aika bubuaka. E taetae te wii man onraken te nano.

Te Tua-Kaua 4:9

Kam na rangi n taratara raoi b'a kam na aki m'aninga b'aai ake E a tia ni karaoi te UEA nakoimi. Kam na teimatoa ni bon kakauringingkami i bon iroumi, ao tuangiia natimi ma tibumi naba.

Ebera 12:15

Kam na tarataraingkami b'a e kawa temanna ni b'aka man te akoaki iroun te Atua, ao b'a e kawa n riki b'a kanga ai aron te wakaa ae mao ni kakiriweingkami, ao a na kam'araeaki iai aomata aika bati.