Taeka n Rabakau 4:19 - Te B'aib'ara

¹⁹ Katein maiuia aomata aika a buakaka kaanga ai aron te rotongitong ae e korakora, ao a na bon aki konaa n ataia b'a tera ae e toki waeia iai.

Taeka n Rabakau 4:19 ပူးပေါင်းရင်းမြစ်များ

Iobi 12:25

A kakaenako baiia n te rotongitong, ao a raai waeia kaanga koro ni manging.

Iobi 18:18

E na kanakoaki man abaia aomata aika maiu, e na kanakoaki man te oota nakon te rotongitong.

Iobi 5:14

e ngae ngke te tawanou, ma a na kakaae nako baiia n te rootongitong

Taian Areru 82:5

Ai nanoroo ra ngkami! Kam a baba ra! A buretata aromi, ao e a bua te kaetitaeka ae e raoiroi mai aon te aba.

Taeka n Rabakau 2:13

ake a onika karaoan te raoiroi ni manga maeka n te roo.

Taeka n Rabakau 22:5

E m'ananga i nanon te kawai te aomata ae te tia kewe ao e onrake n taiani b'ai ni kam'ane aika a kateketeke. Kararoako mai iai!

Ieremia 13:16

Ko kaantaningaa te oota, ma e na kanakoa te roo te UEA. E a kaman mena nuun te tairiki i aon taian tabuki. Ma ngaia are, kam na oki nakon te Atua ao kam na kaoti ami bure nakoina i m'aain ae a bae waemi ma ni b'aka.

Ieremia 23:12

Ngkai N na katuuaingkami n te kabuanib'ai, ao kam na marannako ao kam na b'aka i nanon te rootongitong. Bon aio au taeka Ngai ae te UEA.

Mataio 15:14

Katikuia i bon i rouia! taani kairiri aika mataki. Ao ngkana te aomata ae mataki e kaira ae mataki naba, ao a na uaia ni b'aka i nanon te ruarua.”

Mataio 7:23

Ao Ngai N na kangai nako ia, Bon te akea reitakiu ma ngkami; naako mai Rou, ngkami aika kam tuai mani karaoa nanon te Atua.

Ioane 11:10

Ma ngkana e nakonako n te bong, ao e untabataba b'a akea te oota i rouna.”

Ioane 12:35

E taku ngkanne Iesu nakoia, “E na aki rangi ni maan ana tai te oota ni mena i buakomi. Ma ngaia are, kam na nakonako ngkai iai te oota, b'a e kaawa n taoningkami te roo; ane nakonako n te roo, ao e aki ata ike e nako iai.

1.Ioane 2:11

Ma ane riba tarina ao e mena n te roo, ao e nakonako n te roo n aki ataa ike e nako iai, b'a e kamatakii matana te roo.

1.Tamuera 2:9

Ko kaawakiniia am aomata aika kakaonimaki ma ni kabane aika buakaka a na mate i nanon te rotongitong. Ti aki kona n tokanikai ni bon oin korakorara.