Taeka n Rabakau 30:5 - Te B'aib'ara

⁵ A bane ni koaua b'aai ni kabane aika e taekin te Atua ao bon te otanga i bukiia aomata nako aika a roko nakoina i bukin kamanoaia.

Taeka n Rabakau 30:5 ပူးပေါင်းရင်းမြစ်များ

Karikani B'aai 15:1

Ao i mwiin aei, ao e roko te kaotioti iroun Aberam, ao e ongo Ana taeka te UEA ngke E kaangai, “Ko na aki maaku, Aberam. N na kamanoko man taiani kaangaanga ao N na anganiko kaniwangam ae moan te buubura.”

2.Tamuera 22:31

A tamaroa kawaim, te UEA ao a eti raoi am taeka. Bon te otanga Ngkoe nakoia aika a biri nakoim ni kakaaea buokaia.

Taian Areru 119:140

Te oi ni b'ai ni koaua am Taeka; I tangiria, ngai ae am Toro.

Taian Areru 12:6

Ana taeka te UEA bon taeka aika a kakoauaaki; ai aron te tirewa are kaburoburoaki itiua te tai m'aitina i nanon te nne ni kanaiai.

Taian Areru 144:2

Boni Ngaia te tia kamanoai ao otangau, nneu ni katantan ao te tia kamaiuai, ae I onimakinna b'a I raba raoi i rouna. E kakiia botannaomata i aani m'akau.

Taian Areru 18:2

Bon au b'a ni katantan ae rietaata ngkoe te UEA; Bon au nono ae matoatoa, ao te tia kamaiuai ngkoe; Bon Atuau ae nneu ni katanai ae I raba raoi i rouna; mairouia taan ribaai;

Taian Areru 18:30

Te Atua aio, moan te raoiroi arona; A onimakinaki ana taeka! Ai aron te otanga nakoia ake a kataniia i rouna.

Taian Areru 18:31

Bon ti te UEA Atuara, ao akea riki; Ao ti Ngaia kamanoara.

Taian Areru 19:8

A koaua ana taeka n reirei te UEA, Ao a kab'aia ake a iri nanoia. E aki bangaomata ana taeka n reirei te UEA, Ao e karekea te atatai nakoia aomata.

Taian Areru 3:3

Ma bon otangau Ngkoe, ao Ko anganai te tokanikai, ma te karineaki ae bati.

Taian Areru 84:11

Boni nera ni katantan te UEA ao ara Uea ae mimitong; E ataataiaomata nakoira ao E anganira te karineaki. E aki rawa n anga te b'ai ae e raoiroi nakoia akana karaoa ae e raoiroi.

Taian Areru 91:2

E na kaangai nakoina, Bon te tia katanai ao te tia kamanoai Ngkoe. Bon Atuau Ngkoe; I onimakiniko.

Taeka n Rabakau 2:7

E anga te Atua taian reirei aika a i buobuoki nakoia aomata ni kabane aika ongotaeka i rouna ao ni kaawakiniia ni kabane aika a maiu n aron are a kaantaningaaki iai.

Taeka n Rabakau 29:25

Ko na tai b'aka nako nanon te b'ai ni kam'ane i bukin kibiubium onimakina te UEA, ao ko na maiu.

I-Rom 7:12

Ma ngaia ae e tabu te Tua, ao e tabu naba ana taeka te Atua are iai, ao e eti ma n raoiroi.

Iakobo 3:17

Ma te rabakau are mai eta e kairiia aomata nakon te maiu moa ae itiaki, ao ae rau ma n nimamannei, ae b'aina te iraorao; e on n te nanoanga, ao e karaoi m'akuri nako aika raraoi; e aki nanonano ao e aki m'am'anaa te aba.