Taeka n Rabakau 3:3 - Te B'aib'ara

³ Ke e nooraki iroum n taai nako te tangira ma te kakaonimaki kaanga te m'ae n roroa, ao koroi inanom.

Taeka n Rabakau 3:3 ပူးပေါင်းရင်းမြစ်များ

2.Tamuera 15:20

Ko na kangaa n irai, ao ko tuai rangi ni maan ma ngai, ngkai I tuai ataia b'a N na nakea ngai? Kairiia am tautia ao ooki. Au tataro b'a E na akoiko te UEA ma ni kakaonimaki nakoim.”

Taian Areru 119:11

I kaaki am Taeka i nanou, b'a I aonga n aki bure nakoim.

Taian Areru 25:10

N ana kakaonimaki ma ana tangira E kaiririia ake a kawakina ana boraraoi ma akana ongeaba nakon ana tua.

Taian Areru 85:10

A na uaia n reitaki te tangira ma te kakaonimaki; E na irab'ati te raoiroi ma te raoi.

Te Otinako 13:9

E na riki te botaki aei b'a te b'ai ni kauring, kaanga te kanikina ae kabaeaki i aoni baimi, ke i aon toan ram'ami, e na bon kauring ngkami b'a kam na teimatoa n taetaekinna ma ni kamateb'aia ana tua te UEA, i bukina b'a E kaotinakoi ngkami te UEA mai Aikubita ni m'aakana ae korakora.

Te Otinako 34:6

Ao i mwiina, e ri matan Moote ao e weewete ni kaangai, “Bon te UEA Ngai ae te Atua. I nanoanga ao I taotaonaki n nano nakoia au aomata. I kaota nakoim te tangira ae e korakora, ao te kakaonimaki.

Taeka n Rabakau 1:9

ao katokaa i aom taian reirei kaanga ai aron te b'ara ae e taatangiraki ke te m'ae n roroa ae e rangi n tamaroa.

Taeka n Rabakau 14:22

Bon te kaairua karaoan babaaire aika a buakaka, ma a na reke raoraom aika a kakaonimaki ngkana kam tangiria ni karaoa ae e raoiroi.

Taeka n Rabakau 16:6

Ngkana ti tangira te Atua ma nanora ni koaua ao a na kab'araaki ara bure; ngkana ti kaota karineana, ao ti na kararoaira man te bure.

Taeka n Rabakau 20:28

A kaawakinaki taan tautaeka n ana akoi ma ana kakaonimaki te Atua, ma a riai ni b'aina te akoi b'a e aonga n teimaan abanueaia.

Taeka n Rabakau 6:21

kaawakinna n taai nako inanom ao tai m'aninga taekana.

Taeka n Rabakau 7:3

Kaawakin i aon tabonibaim ao koroi i nanom.

Ieremia 17:1

Kaain Iuta, a aki konaa ni kamaunaaki ami bure. A koreaki i nanomi kaanga taeka aika a koreaki n te unika i aon te atiibu ke nib'aaki i aon koonan taian baonikarea.

Otea 4:1

Ongora, Iteraera ngkai E bukiniia aomata nako te UEA aika i nanon te aba! Bon akea temanna ae e onimakinaki ke kakaonimaki ke n tabeakina raoi te Atua.

Maraki 2:6

E reirei te koaua, ao e aki konaa n taekina te kewe, ao e kairiia aomata aika a m'aiti b'a a na kiitana te bure, i bukina b'a e ongotaeka Irou ao e maiuakina te raoiroi.

Mataio 23:23

A na reke kaimi, taani koroboki ma B'aritaio, aika taani m'am'ana-te-aba! B'a kam angaanga teuana te katebwina ni m'akoro mani m'aitin ami b'ai are te minte ma te aneto, ma te kumino, ao kam katiku taekani b'aai aika kakannato n taekan te Tua, n ai aron te kaeti raoi taekani b'aai, ma te nanoanga, ma te kakaonimaki nakon ana kaantaninga te Atua.

2.I-Korinto 3:3

ao e teretere b'a bon ana reta Kristo ngkami, ae ti uotia, ae koreaki tiaki n te ingke, ma n Tamnein te Atua ae maiu; ae koreaki tiaki i aoni baaba aika atibu, ma i aoni baaba aika iriko aika nanomi.

I-Ebeto 5:9

b'a uaan te oota, te ataataiaomata ni kabanea, ma te raoiroi, ma te koaua,

Te Tua-Kaua 6:8

Koroi katotongaia ao kabaei i aon baimi ao ram'ami b'a kam aonga n uringnga.

Ebera 10:16

“Aio te boraraoi ae N na karaoia ma ngaiia i mwini boong akekei, bon ana taeka te Uea; N a karin au tua i nanoia, ao N na koroi i nanoia.”