Taeka n Rabakau 3:27 - Te B'aib'ara

²⁷ Ko na karaoi b'aai ni kabane ane ko konaa ni karaoia nakoia aomata nako akana a kainanoa am buobuoki.

Taeka n Rabakau 3:27 ပူးပေါင်းရင်းမြစ်များ

Karikani B'aai 31:29

I kona ni karaoa te m'akuri ae kamaamate nakoim, ma E kaoti Atuan tamam nako iu ngke tairiki, ao E kauringai b'a N na aki karaoa te m'akuri teuana ni karawawatako.

Mika 2:1

Ai rekera kaiia aomata ake a aki matuuakin aia iango aika a buakaka, ma ni iangoi waekoan koron bukiia nakon te ingabong. Ni bon te tai are e reke iai aia tai, ao a karaoa naba te buakaka are e a iangoia.

I-Rom 13:7

Anga b'aai ni kabane akana kam bae iai: te taekiti nakoia taan anai taekiti, te tiute nakoia taan anai tiute, te maaku nakoia akana riai ni makaki, ao te karinerine nakoia akana riai ni karineaki.

I-Karatia 6:10

Ma ngaia ae ti na kakaraoa ae e raoiroi nakoia aomata ni kabaneia, n aron ae ti kona, ao ai moara riki nakoia kaain te utu n onimaki.

Te Tua-Kaua 15:13

Ao kam na aki ti tuangiia b'a a nang nako b'a a inaomata, ma karekei aia b'ai aika a na uoti,

Tito 2:14

are anga Ngaia i bukira, b'a E aonga ni kainaomataira man te buakaka ni kabanea, ao E aonga ni kaitiakiira b'a aomata aika ana aomata n ti Ngaia, aika iai nanoia ae korakora ni kani karaoi m'akuri aika raraoi.

Iakobo 5:4

Noria, a tangiri boon aia m'akuri taani m'akuri aika tai i abami, ae booia ae tauaki iroumi; ao tangiia ake a tai e a tia n roko i taningan te Atua, are te Uea ae Moan te M'aka.