Taeka n Rabakau 3:21 - Te B'aib'ara

²¹ Natiu, kamanena am iango ao ana babaaire nanom ae e raoiroi! Kaawakinna inanom n taai nako.

Taeka n Rabakau 3:21 ပူးပေါင်းရင်းမြစ်များ

Taeka n Rabakau 1:4

E na konaa te aomata n aki akaaka n reireinna arona ae e na taraa raoi iai, ao a na konaa rorobuaka n ataei ni karekea te rabakau ao te iango ae e tamaroa.

Taeka n Rabakau 18:1

Bon te nanobaba ae te iangoiko bon tii ngkoe ao ni kakaokoroko ma aomata ake iai te iango raoi irouia.

Taeka n Rabakau 19:8

Karaoa ae e raoiroi bon nakoim ni b'aina te iangoraoi ao kam na kukurei iai.

Taeka n Rabakau 2:7

E anga te Atua taian reirei aika a i buobuoki nakoia aomata ni kabane aika ongotaeka i rouna ao ni kaawakiniia ni kabane aika a maiu n aron are a kaantaningaaki iai.

Taeka n Rabakau 4:21

Ko na aki m'aninga naba au taeka teuana, ma kam na iaiangoi ni kabane.

Taeka n Rabakau 4:6

Ngkana ko tangira te wanawana ao ko na aki kaaki taekana, e na bon tararuaiko.

Taeka n Rabakau 5:2

E na bon riai n iai ana babaaire nanom, ao ko na bon riai n taai nako n ataia b'a tera ae ko riai n taekinna.

Taeka n Rabakau 8:14

I korakora ao I anga te taeka n reirei ao te motiraoi.

Ioane 8:31

E taku ngkanne Iesu nakoia I-Iutaia ake a kakoauaa, “Ngkana kam teimatoa n ongeaba nakon au taeka, ao bon au reirei ni koaua ngkami iai;

Te Tua-Kaua 4:9

Kam na rangi n taratara raoi b'a kam na aki m'aninga b'aai ake E a tia ni karaoi te UEA nakoimi. Kam na teimatoa ni bon kakauringingkami i bon iroumi, ao tuangiia natimi ma tibumi naba.

Iotua 1:8

Ko na kakoaua raoi b'a e na riai ni wawarekaki bokin te tua n taai nako n tain te taromauri. Kamateb'aia te tua ni bong ao ni ngaina, ao kakaonimaki ni karaoi b'aai ni kabane akana a koreaki iai. Ao ko na bon kakab'aia ma n tekeraoi.

1.Ioane 2:24

Ao ngkami, e na mena i nanomi te baere kam ongo ma ngke kam moa n riki b'a Kristian. Ngkana e memena i nanomi te baere kam ongo ngke kam moa n riki b'a Kristian, ao ane kam na nim ma te Nati ao te Tama naba.

1.Ioane 2:27

Ao ngkami, E a tia Kristo ni karuoa Tamneina are Raoiroi i aomi. Ngkai e teimatoa aromi anne i Rouna, a aki kai nanomi ngkana kam aki reireiaki iroun temanna. Ma ngkai kam reireiaki iroun Tamneina are Raoiroi ni b'aai ni bane, ao baike e reireingkami iai bon te koaua, tiaki te kewe. Teimatoa n ana reirei te Tamnei are Raoiroi, ao ni maeka n te nano ae ti teuana ma Kristo.