Taeka n Rabakau 3:20 - Te B'aib'ara

²⁰ N ana ataib'ai e katabwena marawa are i karawa ao e kanakoa nangnikarau ao e kab'aka te karau.

Taeka n Rabakau 3:20 ပူးပေါင်းရင်းမြစ်များ

Karikani B'aai 1:9

Ao E taku te Atua, “Ke a bootaki n te tabo ae ti teuana raan ake i aani karawa b'a e aonga n otirake te aba mai iai,” ao e koro bukin are E taekinna.

Karikani B'aai 27:28

Ke E anganiko te Atua aoin karawa, ma ni uamaria abam. Ke E anganiko taian uanikai aika uangingi, ao wain aika moan te bati.

Karikani B'aai 7:11

Ngke ai onobubua ana ririki ni maiu Nooa, ni katebwi ma itiuan bongin te kauoua n nam'akaina, ao a uki kawain raan ake i aan te aba n tiirake, ao a uki naba mataroan ranin karawa ni b'aro,

Taeka n Rabakau 8:24

Ngke I bungiaki, bon akea marawa ke taian koburake n ran.

Ieremia 14:22

A aki konaa ni karokoa te karau taian bouannanti, ao a aki konaa ni b'aka tamruru ni karau i bon irouia. Bon ti Ngkoe ae Ko konaa n taua aron te karau, ma ngaia are, ti katikui ara onimaki iroum, Ngkoe ae te UEA ae Atuara.

Ioera 2:23

Kaain Tion, kam na nebonebo mani karinea te UEA ae Atuami! E tituaraoi b'a E karokoa karaun te aumaiaki ma te aumeaang n taina.

Te Tua-Kaua 33:28

Kaain Iteraera, kam na maeka ma te rau; a na maunanako ami kairiribai. E na b'aka te aoi mai karawa, ao a na rangi ni m'aiti ami uita ao ami wain.