Taeka n Rabakau 3:16 - Te B'aib'ara

¹⁶ I nanon bain te wanawana are te atai e mena iai te maiu ae e anaanau ao ni baina are te maing bon taian kaub'ai ma taiani karineaki.

Taeka n Rabakau 3:16 ပူးပေါင်းရင်းမြစ်များ

1.Uea 3:13

N na anganiko naba te b'ai ae ko aki buubutii. Ko na riki b'a te kaub'ai ao ko na karineaki ni kabane am bong ni maiu. Ao ko na kakannato riki nakoia uea tabem'aang.

Iobi 39:12

Ko kantaningaia b'a e na uoti rikaaki am tai, ma ni boboti taian uita ake n am tabo n oro uita?

Taian Areru 112:3

A na rangi ni kaub'ai man tetekeraoi, ao ana bon aki kona ni m'anuokaki i bukin aroia aika raraoi.

Taian Areru 21:4

E butiko te maiu, ao Ko anganna ae ananau ae akea tokina.

Taian Areru 71:9

Ko na tai ribaai ngkai I a kara; Ko na tai kitanai ngkae e a kab'ara rikaaki rab'atau.

Taeka n Rabakau 22:4

Karinea te UEA ao m'akuri i bukina! Kam na anganaki te kaub'ai, teimatoan te maiu, ao te karineaki b'a kaniwangami

Taeka n Rabakau 3:2

A na bon buokiko ni waakin maium ao n anganiko te teetekeraoi.

Taeka n Rabakau 9:11

Bon te Wanawana ngai. Ngkana ko irai, ao e na anaanau maium.

Mareko 10:30

e na karekei aika bati riki n te roro aei. E na karekei tebubua riki m'aitin auti, ma taari, ma mm'aane, ma tiina, ma naati, ma aaba, ma b'ainikirinaki naba; ao n te aonnaba ae na roko te maiu are aki toki.

2.I-Korinto 6:10

ngke ti taonaki n te rawawata n nano, ma ti aki toki ni kukurei; ngke ti riki b'a kanga aomata aika akea aia b'ai, ma ti karikirakei aroia aomata aika bati b'a a na kaub'ai; ngke ti riki b'a ai aroia akana akea aia b'ai, ma ti b'aini b'aai nako.

1.Timoteo 4:8

B'a bon iai teutana bonganani kataneiaan te rab'ata b'a e na marurung, ma te maiu n reitaki ma te Atua e bongana i bukini b'aai ni kabane, ngkai iai taeka n akoi, ae iai te kab'aia iai i bukin te maiu aei, ao i bukin te maiu ae na roko.