Taeka n Rabakau 28:4 - Te B'aib'ara

⁴ E neboa te aomata ae e buakaka taan urua te tua, ma a aki toki ni kaitaraaki n taai nako irouia aomata aika a kaawakin taian tua.

Taeka n Rabakau 28:4 ပူးပေါင်းရင်းမြစ်များ

1.Uea 18:18

Ao e taku Eria, Tiaki ngai te tia kakiriwe ae moan te buakaka ma boni ngkoe. Boni ngkoe ma am utu aika kam aki ongotaeka nakon ana Tua te UEA ngkai kam taromauria B'aara.

1.Uea 18:21

Ao e tei Eria i mataia ao e taku, “Ai ti maanra riki ngkami ni biribiri i marenan b'aai aika uoua? Ngkana kam taku b'a te Atua te UEA, ao taromauria. Ma ngkana te Atua B'aara ao taromauria.” Ao bon akea te b'ai ae a taekinna aomata.

Neemia 13:15

I ataa naba te b'ai ae a karaoia kaain Iuta n te Taabati. A aki ti kamanti kureebe i bukin karekean te wain, ma a bon taia naba uaan te uita, te kureebe, te biiku, ao uaan aroka ake tabeua, ao i mwiina, a katokai i aon taian aati ma ni kabooi nako i Ierutarem. Ma ngaia are, I kauringiia b'a a na aki kabooi nako am'arake n te Taabati.

Neemia 13:28

Ao iai natin Ioiata are natin te ibonga are Eriatiba, ae e mare ma natin Taneb'arata te aine; Taneb'arata are kaain Oron, ao I kairoroia natina m'aane b'a a na nako.

Taian Areru 10:3

E kainikatonga te aomata ae buakaka n ana iango aika bubuaka; Ao te aomata ae kani b'aib'ai e karereantia te Atua.

Taian Areru 49:18

E ngae ngkana e rauaki nanon te aomata ni maiuna, Ao e kamoamoaki b'a e tetekeraoi ni maiuna,

Ieremia 5:30

Ani bon noori b'aai aika a kakamaaku aika a riki i nanon te aba aei. I tiaoki!

Mataio 14:4

B'a e a tia ni kangai Ioane nakon Erote, “E aki riai i aan te tua b'a ko na buuna Eroria!”

Mataio 3:15

Ao Iesu E kaeka ni kangai, “Kariaia ngkai: b'a te b'ai ae riai i roura b'a ti na karaoi b'aai ni kabane ake E tangiri te Atua.” Ao e kariaia Ioane.

Mataio 3:7

Ngke e noriia B'aritaio ma Tarukaio aika bati Ioane b'a a roko b'a a na b'abetitoaki, ao e taku nako ia, “Ngkami aika buniia naeta, antai ae tuangngkami b'a kam na biri nako man te un are a kan roko?

M'akuri 12:22

A tatakarua aomata ao a kaangai, “B'anaan te anti, ao tiaki b'anaan te aomata ae taetae!”

M'akuri 15:2

E bo te kauntaeka ae ab'ab'aki i marenaia uakekei ma B'auro ao B'arenaba i bukin te baere a taekinna uakekei; ao a rineaki ngkanne B'auro ma B'arenaba ma raoia tabem'aang mai Antioka b'a a na nako Ierutarem nakoia taan tuatua ma unimm'aane i bukin te baere a kauntaeka iai.

M'akuri 19:9

Ma ngke a matoatoa nanoia tem'angina n rawa ni kan ira nanona, ma ni kabuakaka i mataia aomata ana kaantaninga te UEA i bukin te kawai are a riai n toua, ao e nako mai rouia. E kairiia nako reirei ni kaokoroia, ao e reirei n te bong ae koraki n ana ru n reirei Turano.

I-Rom 1:32

A bon ata ana taeka te Atua ae kaangai, A riai mateia akana karaoi baikai. A aki ti kakaraoi baikai, ma a boni kaoti naba nanoia aika kukurei ngkana a karaoaki baikai irouia tem'angina.

I-Ebeto 5:11

Tai buokanib'ai n ana m'akuri te roo aika akea uaaia, ma kam na kaoti aroia;

1.I-Tetaronike 2:2

ao n aron ae kam ataia, ti a tia ni kamarakaki ma ni b'ainikirinaki i Biribi, ma ti ninikoria iroun Atuara n taekina ana euangkerio nako imi ma te kekeiaki ae bati.

1.Ioane 4:5

Boni man te aonnaba ae bubure te koraki arei; ma ngaia ae a taekini b'ain te aonnaba ae bubure, ao a ongo kaaina i rouia.

Iuta 1:3

Ngkami aika kam tangiraki, ngke e korakora nanou ni kani koroboki nako imi n taekina te maiu ae bon ara b'ai ma ngkami, ao I taku b'a e bon riai b'a N na koroboki nako imi ni butingkami b'a kam na kakorakoraingkami i bukin te onimaki are a anganaki ake a itiaki n te tai ae ti teuana ao akea riki.